|
مهـــم الـى الاتحاد السعودي لكرة القدم!!!!!!!!
السلام عليكم ورحمة الله وبركاته <والله اقولها وانا ميت قهر
يناس والله لو ندري ان مباريات المنتخب في التصفيات الاسيويه وفي كأس العالم وفي المباريات الوديه مشفره
ما تعبنا انفسنا وحضرنا المباريات الي للمنتخب الي تأهل لكأس العالم وكان وقتها اختبارت وبهذله وتعب نهايه سنه كان وقتها المبارااه منقوله نحضرها وما علينا من شي هذا وطنا
ولكن بعدها نشوف تفشيله مال ام ام امها داعي بكلمه تبغون تشوفون منتخبكم يله عاد ادفعوا فلوس
( ويقولون تطور للكره السعوديه )
الله يخلف على ام التطور الي تعرفونه كانكم مهما سويتوا تبغون على الددسن وطريقت تشغيله
اااااه وينك يافيصل بن فهد تشوف حالنا اه لو كنت موجود بترضى يصير وضعنا كذا ؟؟ اجاوبكم كلمه رياجيل والله ما يرضى
لكن خلاص امور الكوره صارت بيد اداره ادفع تربح
بنتقل لموضوع القناه الرياضيه
معقوله القنوات الرياضيه الثانيه تتنافس على مباريات دوري ابطال اوروبا ومباريات التشامبيونز ليق والكالتشيو حتى لو ارضي وحنا مباريات منتخبنا الوديه الي مع فرق صغيره ما نقدر عليها حتى لو ارضي صدق قناه عميان والله لو يغيرون اسمها ويسمونها قناة شباب ويسكتون ويتركون كلمه قناة رياضه انه ابرك لهم قناة فاشله بكل المقاييس ست ميه الف برنامج يعرضونه وما ينجح فيه الا واحد او اثنين
مباريات كبيره بالدوري يتركونها على جنب وينقلون خيول
مباراه للمنتخب في تحديد البطل لكأس الخليج يتركونها ويحطون لنا بلياردو خخخخخخ (( على فكره الامير الراحل ابو خالد عبدالرحمن بن سعود اذكر بعد السالفه هاذي قال من الحين بنسوي تبرعات من ريال واحد علشان نشتري طاولى بلياردو وكور وعصا ونتصدق فيها للاعضاء ومسؤليين القناه الرياضيه علشان يتونسون فيها وينقلون مباريات منتخبنا الهامه )) ههههههههههههههه ياعمري يابو خالد جبتها ع الجرح والله الله يرحمك ويسكنك الجنه كانك النصراوي الوحيد الي ما كرهته
شباب الي يبغى يشوف مباريات المنتخب السعودي ما عليه الا يدفع لصالح كامل ويستأذن يقول ممكن تكفون الله يرحم والديكم اشوف مباراه وطني < تحسون انها وصلت كذا صح ما نقول الا الله ياخذ الي كان السبب كانه رخمه وتلعب فيه الفلوس توديه يمين وتجيبه يسار
اتمنى ما اكون طولت عليكم والي بيكون ضدي بكلامي يثبت لي والاختلاف بالرأي لا يفسد في الود قضيه واتمنى ما اكون غلطان  | 