نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلالي دمه ازرق · #5 10/02/2006, 09:54 AM

السلام عليكم ورحمة الله وبركاته

إقتباس

الرسالة الأصلية كتبت بواسطة روحي الزعيم‍


	وعليكم السلام ورحمة الله وبركاته.. هلا وغلا بقائد الشعب الهلال البطولة الاغلى والاجمل في مسيرة الزعيم وجودك معنا وبيننا يابو سلطان اغلى واحلى خبر نسمعه وصدقني يابو سلطان انك انت الوسام الي نعتز ونفتخر فيه بين كافة الجماهير واداراتها.. يابو سلطان العتب على قدر المحبة وانا ادري ان جماهير الرياض خذلوك وانا واحد منهم للاسف بس ابشر با العوض وبلي يسر خاطرك يا الظاهرة وشهادة حق في جماهير مناطق المملكة عامة انهم ماقصرو في الحضور ومساندة الزعيم المشكلة والبلى القصور كله من معتقل الزعيم منطقة الرياض بس اعتبرها يابو سلطان قرصة اذن للجماهير الهلالية والي بأذن الله ماراح تخيب ظنك بعد اليوم.. انت يابو سلطان تامر امر (اجيك يسلم راسك وشلون ماجيك..انت با الذات وياك صعب اتغلى).. وحنا على العهد والوعد باقين بأذن الله وبنكون خلفك وخلف الزعيم في اي مكان وزمان صدقت يابو سلطان كل شي يمكن تعويضه الا الجمهور وتعويضك انت اذا فقدناك لاقدر الله وبأذن الله ستجد (شعب)هلالي يزحف لزف الزعيم لكأس جدك سموي سيدي ولي العهد جمهور اذا حضر اهتزت له الارض وارتعدت فرائص الخصوم وبنخلي الي مايشتري يتفرج هههههههه والله ماتلام يابو سلطان والله يلوم الي يلومك بس عشمنا انك تعطي الجماهير فرصة ثانية وبعدها بيكون لك كلام ثاني انا متأكد معروف من القدم ان سر انتصارات الهلال وبطولاته وروحه هيا في مدرجاته اذا توشحت با للون الازرق والابيض صدقني يابو سلطان ان جماهير الزعيم جماهير واعية تشجع الهلال الكيان وليست كجماهير الجار جماهير لعيبة معينين والدليل بتشوفه بعينك بأذن الله معظم مباريات الهلال القادمة بتلعب بدون مشاركة الدوليين وبتشوف جمهور يساند ويشجع كل ماهور ازرق بغض النظر عن الاسماء اذا ابو سلطان قائد فرقة الرعب الزرقاء فتأكد ان 75000 زعيم سيقفون خلف الزعيم ويساندونه بصراحة وربي الكلام هذا افرحني با المررررره وهذا عشمنا فيك يابو سلطان لايمكن ان تتخلى عننا في عز المنافسه صحيح اننا خذلناك بعدم الحضور بس طلع معدنك اصيل ولا خذلتنا وبأذن الله ظنك وعشمك مايخيب بجمهورك وجمهور الزعيم