| رحمه من رب العالمين ان المباريات الثانيه لعبت لصالحنا
يعني حنا بعد التعادل ضاقت صدرونا .. لكن يوم إنتهت المباريات طلعة نتيجتنا بطراااانه .. بل إننا تقدمنا بزود نقطه عن أقرب منافس وصار الفرق 15 !
الفريق سيء
ولامبارد واضح تأثيره على الفريق لأنه مهوب في الفورمه أبد !!
روبين أناني مع مرتبة الشرف وكأنه من بداية المباراة قاري ردي ويقول شف الأنانيه على أصول اليوم ...
روبين أضاع المباراة من بدايتها بإستهباله .. أكثر من كوره إنفراد تام لكريسبو .. أو جو كول .. والولد ماعليه منهم .. أهم شي يسحب !!
الفريق كان ضايع بصراحه .. وواضح غياب إيسيان ... والدفاع بديت ما أثق فيه
وإذا نبي نلعب بهالمستوى من الآن وصاعداً فأنا أقول الله يستر على الدوري لا يطير ولا هيّن !
بالله إحسبوا معي .. كم مره يرجّع دفاعنا الكوره للحارس ؟؟
رقم فلكي لو نحسبه !!
يعني لهالدرجه خلصت الحلول ... صح إنها حلوه وتبدأ بها هجمه جديده .. لكن لما يشوت الحارس الكوره من يستقبلها بالراس ومن يتحرك قبل نزول الكوره !!
مافيه .. كريسبو تنرفز بسبب الكرت الظالم في بداية المباراة ... والباقين ماش ... لك عليهم
دروجبا على طلعاته الغبيه .. إلا إنه أفضل من يوجه الكوره إذا جت من الحارس وبهالطريقه تستفيد وتختصر بداية تحضير الهجمه من أول الملعب
جونسون مهزله مع مرتبة الشرف .. لاعب لا يعرف يثبّت ولا يعرف شي الظاهر
الدفاع ضايع .. وشفنا الهدف حقهم وشلون جاء !!
أجل اللاعب يسحب القلوب كلهم !!
صراحه قويه .. إذا هاللاعب الكديش يسوي بأفضل دفاع في أوروبا كذا .. أجل سعيدان وش يبي يسوي فيكم ؟؟
لازم مورينهو يشوف له حل قوي ..
لازم الفريق يسجل ويجيب هدف ثاني
لو نلاحظ المباريات الأخيره .. تشيلسي يسجل .. ويبدأ بعدها يضيّع فرص ... شوي التعادل جاي !! وكنك يابو زيد ماغزيت
حتى المباريات اللي إنحرج فيها تشيلسي وفاز بشق الأنفس كانت بهالشكل .. يبدأ بالتسجيل بعدين يهدي رتم المباراة .. همن يجي علينا هدف على الدقيقه 70 تقريباً وإبلش من جديد
بربرت واجد .. خلاص تعبت | 