السلام عليكم ورحمة الله وبركاته
كيف حال الجماهير الهلاليه
حبيت أكتب هذا الموضوع لأنه في هاذي الأيام صار ظاهره بالنسبه للجمهور الهلالي
وهوعدم الحضور ومساندة اللاعبين في المباريات وطبعاً حنا ماتعودنا من الجمهور هذا الجفاء على النادي
وكان الهلال معروف بجماهيريته لاكن الملاحظ أن الجماهير قلت وخاصه هاذي السنه وماشفنا الجماهير اللي تبرد
القلب إلى في نهائي كأس الأمير فيصل وفي مباراة النصر في الدوري
والمعروف أنا الجماهير هي اللي تحمس اللاعبين داخل الملعب
وأنا أعتبر أنا الشباب واجب عليهم حضور الملعب لأني أتوقع أن مافي شئ يمنعهم عن الحضور ومأزرة النادي
يعني مثلاً لو يسمحون إلى النساء بالحضور كان ماخليت ولا مبارة إلى وأنا حاضرتها
والآن أنا بودي وأتمنى أني أشوف الملعب يوم الخميس مليان بالجماهير ولافي ولامكان فاضي عشان يتحمس الاعبين
ويبذلون جهد مضاعف عشان يفوزون بالمباراة
وأنتم تعرفون أن الفوز مهم جداً واللي يفوز بالمباراة راح يكون قطع نصف الشوط إلى النهائي
وأتمنى منكم الحضور ماهو بس في هاذي المباراة بل في كل المباريات القادمه لأنها كلها مهمه

وأخيراً أرجع وأكرر وأتمنى الحضور ولايعتمد كل واحد على الثاني
وأتمنى أن كل واحد إذا يقدر يحضر معه أصدقائه فهذا شئ حلو

وآسفه على الإطاله وأتمنى أني ماثقلت عليكم