أذكر إن الشاشة الكبيرة حقت الإعلانات اللي على العليا. والثانية اللي عند سوق صحارى قد عرضت هدف ياسر على كوريا لذلك يبدو لي ان المسألة مقدور عليها.

أعتقد مسألة عرض مباراة كاملة عليها راح تكون مكلفة بعض الشيء لأن الوقت اللي تعرض فيه المباراة تقدر تستثمر فيه الشركة المعلنة عشرات الإعلانات وهذا راح يعرضها لخسارة كبيرة بالتأكيد.

لكني أقترح انها تقسم اعرض على قسمين:

قسم مباشر: ويتضمن بداية المباراة والسلام الملكي و الفاولات والبلنتيات والتغييرات وكل مايمكن تداركه بالنقل المباشر على شكل مقاطع.

قسم معاد(غير مباشر): ويتضمن الأهداف والهجمات وردات فعل المدربين واللاعبين وإعادة لما تم نقله بالبث المباشر.

ولا هوب شرط انه يكون النقل بالثانية وجزء الثانية!! مافيها شي لو تأخر النقل دقيقة أو دقيقتين إن كان مسألة النقل على هالشاشات يبغى لها وقت!!

وياليت لو توصل إقتراحاتنا للشركات الراعية للمنتخب. لعله يطبق مانقوله على أرض الواقع في يوم من الأيام!!