السلام عليكم ورحمة الله وبركاته

مافي شك اننا تألمنا كثيرا للطريقه اللي خرج فيها الهلال من كاس ولي العهد لاكن اللي قهرنا اكثر رفض التمياط انه يلعب المباراة !!!!!!!!!!وش ردكم ياجماهير الهلال بتبجلونه مثل العاده ومثل كل يوم وبنسمع اخباره السخيفه(التمياط يحقق جائزة ماني عارف ايش,التمياط يحضر جمعية مدري ايش, التمياط قام من النوم وغسل وجهه , التمياط التمياط)وهذي اخرتها عشان يلعب 20 دقيقه في مباراه وديه مع الصف الثاني للبرازيل يرفض هذا الاعب الذهاب لحائل!!!!!!!طيب على الاقل خلك مع الاحتياط اللي ماتجاوز عددهم 3 لاعبين... وين مثاليتك يانواف ولا ماتطلع الا فالمقابلات التلفزيونيه هذا رد المعروف للجماهير اللي جائت من كل مكان وتركت اعمالها ومصالحها وحضرت (حفل تكريمك!!!!!!) تقابلها بانك ترفض تلعب مباراه رسميه ومهمه عشان تلعب مباراه وديه ... يعني خايف من الاصابه!!! ( قل لن يصيبنا الا ماكتب الله لنا) بتقول خايف من الاجهاد انت ماتجاوزت ال26 سنه وش نقول للثنيان اللي تجاوز ال35 سنه ولا عشان الصحافه والجرايد والمجلات وحبك الواضح والمفضوح للظهور وياخوفي بكره نشوف صورتك حتى على اغلفة المجلات النسائيه لاكن مااقول الا الله يرحم ايامك ياتيماوي (ماتعرف قدري الا لما تجرب غيري) للاسف اننا فقدنا لاعب مثل التيماوي واحنا جالسين نبجل في انصاف لاعبين مع ان التيماوي مااخذ نص اللي اخذه هذا الجاحد(اللي ضرب بمصلحة ناديه اللي طلعه عرض الحائط وراح يبحث عن مجد شخصي له في مباراه لا تقدم ولا تؤخر وياليته قدم مستوى الا استعراض وتسحيب) من شهره واعلام لاكنه قدم الشي الكثير لناديه ولمنتخبه يوازي اضعاف اضعاف ماقدمه هذا الاعب المدعي للمثاليه .... واخيرا سؤالي هنا لفهد المصيبيح وش بتسوي لهذا اللاعب بتعاقبه مثل ماعقبت غيره ولا بتصير هذي الحركه زي العسل على قلبك؟؟؟؟؟؟؟ شوف يافهد اذا ماعقبته ويكون عقاب رادع له ولاشكاله ذيك الساعه احسن لك تترك النادي لمن هو اكفاء منك وللاسف بتكون اثبت على نفسك الفشل اللي صار كل ماله يوضح اكثر وانك ماتعامل الاعبين معامله وحده وانك تفرق بينهم لان اللي سواه التمياط في حق نادي وجماهير الهلال اقوى بكثير من اللي سواه فيصل ابو اثنين ولا يوجد هناك وجه مقارنه(على الاقل فيصل ماغلط في حق نادي وجمهور الهلال بل كانت مساله شخصيه بينك وبينه) واقولك يافهد احنا ياجماهير الهلال اللي دعمنا هذا اللاعب ولنا الفضل بعد الله سبحانه وتعالى عليه فاللي وصل له وفالاخير يترك الفريق وهو في امس الحاجه له عشانه خايف من اوهام لعبت في عقله السخيف وفي الختام ودي اقول شي واحد انا عارف ان في هلاليين يعشقون هذا اللاعب وبيزعلون من هذا الكلام لاكن اقولهم اذا بتزعلون من الحق ازعلوا بسلامتكم مارح يجي زعلكم مثل زعلناوالالم والحسره ورفعة الضغط اللي شفناها مع الطائي وشكرا لكم جميعا واعتذر للاطاله عليكم