دام السالفه على اغرب مخالفه ..

سجل عندك حبه مخالفه مدري من وين جابها

ذاك اليوم تقريباً الساعه 11.30 بالليل

جانـي ثنين من عيـال خالي بيدخلون الملحق وقبل ما يدخلون مر واحد من الجيران بسيارته ووقف جنب البيت يعني صارت فيه اربع سيارات قدام البيت وكلهم وقوف نظامي بس حنا موقفين بين السيارات يعني على (الشارع ماهوب على الرصيف) نسولف قبل ما ندخل

ويجينا ذاك العسكري بدوريتوه يوقف ويسلم ويوقول إثباتاتكم .. عاد انا اقول بيني وبين نفسي وانا مستغرب الدنيا ما تطمن والعسكري هذا يدور لحمايتنا وحماية الوطن ..

المهم اخذ البطاقات وركب الدوريه ولا كـانه صار شي وكملنا سوالفنا ولا علينا منه نزل (الله يصلحه)

ومعاه اربع اوراق صفراء يعني مخالفات اول ما قال تفضلو يا شباب نط ولد خالي بوجهوه وقال خييير سلامات

وش صاير .. قال العسكري الله يوفقوه ويستر عليه

مخالفة تجمهر !!

الله يخلف علي ام جابتك بس