السلام عليكم .....
الحلقة الاولى ارعص هنـــــا الحلقــــة الثانيـــة أرعص هنــــا بعد الحلقــــة الثــــــالثــــة هنــــــــــــــــا الحلقـــة الرابعـــة هنا الحلقة الخامسة هنـــا ===============================
الحلقة السادسة
في الحلقة اللي راحت وصلنا يوم يوقف راعي الددسن عند بوابة نادي الهلال
قال راعي الددسن: شف ياعبسي من يأشر لنا ؟
عبسي : من هو ؟؟
ايه والله هذا النزهان والمسعري وتركي القحطاني..
وش عندهم طالعين ولا عليهم نعال بعد وش بلاهم حافين .
فتح الدريشة عبسي وقالهم : نوصلكم ياشباب؟؟
.
قالوا : ايه انت وجهك ماتشوفنا نأشر لكم ..
عبسي :أقول أميرة ياعمري تعالي قدام خليهم يركبون ورا .
المهم ركبو الشباب ورا . ومشى الددسن ..
يوم مشوا شوي قال راعي الددسن : ياشباب ترى النفر بريالين .
بدأ المسعري يهمس للنزهان ويقوله : معك قروش ؟
قال النزهان : لا والله مامعي ولا قرش .
التفت المسعري على تركي القحطاني وقاله : ولا أنت ؟
قال تركي : ما معي الا خمسة ريال وابشتريبها راس معسل .
زعق المسعري : يااااااااااااااااااخي مهوب وقته المعسل الحين خلنا ندفع للرجال .
قال المسعري لراعي الددسن : أقول ياأخ حنا الثلاثة مامعنا الا خمستريل تكفي .
دعس راعي الددسن فرامل بقوووة يوم سمع ان مامعهم الا خمسة ريال .
ومن قوة الفرامل صفق راس أميره الاتحادية المفهية بالقزازة
وانشق راسها وبدا يخرخر دمان .
قال عبسي : وش فيك ياصطا شف وش سويت بالبنية ؟
نزل عبسي من السيارة وأخذ اميرة معه وراح لصندوق السيارة اللي فيه عدنان ولينا .
وقال عبسي : أركبي ياميرة بالصندوق ..
وأنتي يالينا الله يعافيتس انتبهي لأميرة خلينا نشوف وش آخرتها .
لينا : عمى وش فيها وش اللي شق راسها ؟
عبسي :هذا راعي الددسن المطفوق.. والا تدرين خليها تعلمك هي .
وبوقتها كان راعي الددسن نازل من السيارة
وفاتح الباب اللي ورا اللي فيه الشباب ويقولهم : يالله ياشباب انزلوا..
صراحة ما اقدر أوصلكم الا بسته ريال النفر بريالين .
قالوا له : يابن الحلال ما معنا والله الا هالخمسة
وابشر إذا وديتنا لبيوتنا نبي نعطيك الريال .
جاء عبسي وقال لراعي الددسن : أنا أعطيك ريال بس لاينزلون ..
خلهم ذولا هلالين .
قال راعي الددسن : عطني الريال الحين .
عبسي : مامعييش الحين ..والا تدري أصبر شوي .
راح عبسي لأميرة وقالها : أميرة سلفيني ريال تكفين .
قالت أميرة : وشوله بعد هالريال .. تراي دجيت خلصن قروشي أنت وخشتك .
عبسي : يووووووووه تبي تذلنا علشان ريال ..هاتي بس ولا تكثر بربرتك.
جت أميرة وعطته ريال وراسها مازال يخر من الدمان
.
عطى عبسي راعي الددسن الريال ومشو.
قال عبسي : بالله يا اصطا عجل علينا للمستشفى ترى معنا الحين نفرين مصابين .
راعي الددسن : ابشررررر
وحط رجله راعي الددسن للمستشفى مكيم .
وفي الطريق للمستشفى التفت عبسي على الشباب {المسعري والنزهان وتركي القحطاني }
قال عبسي : صراحة أنا مستغرب ياشباب وشلون مامعكم قروش ؟؟!!!!
قعدو الشباب يتناظرون وحس عبسي انه فيه سر مايبون يقولونه .
قال عبسي : ياشباب ترى أنا هلالي مووووووت ..
لاتخافون كان فيه سر مترددين تقولونه تراي منيب قايل لأحد..
قولوا وش عندكم ؟
قال المسعري : طيب سواق الددسن ؟؟
عبسي : ماعليك منه هذا ما براسه كورة هذا مسيكين ماغير يكد على هالعراوي .
بعدها تنهد المسعري تنهيده طويله وقال : اسمع يأخ عبسي أنا ابقولك وش فينا بس توعدني إنك ماتقول لأحد .
عبسي : ابشر أعتبرني ماسمعت شي اذن من طين واذن من عجين افا عليك بس .
التفت المسعري على النزهان وعلى تركي وقال : وش رايكم ياشباب أقوله ؟
قالوا : هاه وشو تقوله ...بكيفك ؟
قله ماعندنا مانع .
بدأالمسعري يقول السر :..........
في الحلقة الجاية نكمل
ــــــــــــــــــــــــــــــــــــــــــــــــــــــــــــــــــــــــــ
جميع الحقوق مدفونــــة للجمجمـــة
