السلام عليكم ورحمة الله وبركاته

اول شي مبروك الفوز يا شباب وقولوا للاعبين ترى المكافأت تضاعفت <==== بدري

انا واحد كنت حاظر مباراة الدمام بين الهلال والقادسية او نقدر نقول الفريق الفاشل صراحة ,, وشوه الفكرة اللي كانت موجودة للعالم عن اندية الشرقية
المهم مو ذا موضوعي ,, موضوعي كان عن شي صار في المباراة والى الان وهو اكثر شي عجبني فيها

بعد نهاية المباراة تقدم الامير محمد بن فيصل (الله يخلي لنا ابو سلطان) للجمهور وماسك ياسر القحطاني بيده وراح للجمهور يتأسف منهم اذا ياسر سبب لهم بعض الضغط من الهجمات اللي ضيعها وجلس يقول للجمهور انتوا على راسي وليتك تدري يا ابو سلطان انك انت راس كل خير .
بس الموقف ما انتها هنا

جا واحد من الجماهير وحذف (لفاف) شعار الهلال جهة الامير وطاح قدامه ,, جا الامير وبكل تواضع شال اللفاف من الارض وباسه وهو في يده !!!
وقامت القيامة في المدرجات وصاحت العالم كلها تنادي ( ابو سلطان ,,, ابو سلطان)
من زود حبه في الهلال وصراحة الجماهير اللي جات المباراة ما قصرت ,, ما كان ودي تخلص المباراة بكل صراحة


فا هنيئاً لكم يا ايها الجمهور الهلالي الازرق بي ابي سلطان وهنيئاً له بكم <== وش عنده المتنبي


ودمتم سالمين