نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رجال الهيئة !!! رجال لا يستحقون تلك الثقـــــــة !!!

الجارف · #14 03/01/2006, 02:00 PM

بسم الله الرحمن الرحيم

.
.

إقتباس

الرسالة الأصلية كتبت بواسطة مهووسة الزعيم


	السلام عليكم ورحمة الله وبركـــــاته .... 1) واحد من عمامي متزوج امركيه وطبعا عايش في الرياض وهي تلبس لثام ومعاها بناتها وعيالها في مطعم ... جت الهيئـــه وقالت ... تغطي يامــرهـ ( وقل للمومنين يغضوا من ابصارهم ويحفظوا فروجهم ) لو انه صحيح رجل دين كان ماطالع فيهـــا .... قالت له ... انا امركيــــه وكــويس مني متغطيــه ... قالها .. اسف ليش ماقلتي من اول انكـ امركيــه وحط رجــله .. ولا قالها تغطي يامــرهـ ولا اتقــي الله ولا عباية على الراس ولاشــي ...... ليــــــــــــــــــش ؟؟؟؟؟؟؟؟؟؟

أمركم عجيب !!

إن قالت لكم الهيئة : " اتقوا الله " .. قلتوا : "قلة أدب وتدخل في خصوصيات الناس" !

وإن تركوكم .. قلتوا : " ليش ما يقولون اتقوا الله " !!

..

إقتباس


	.... الهيئــه تمسكـ البنات على عباية الكتف وعلى يمينه محــل يبيع عبايات كتف ولثامات وبراقع .... ....ياخي سلطتكم سلطووووها في عمل الخيررر كانكم جادين امنعووا عباية الكتف نهائينا وامنعوا جوالات الكاميرا ....

هذي اسمها ( هيئة الأمر بالمعروف والنهي عن المنكر ) .. عملها واضح من اسمها ..

منع العبايات .. و إيقاف استيراد بعض الجوالات .. و إمساك قاطعي الإشارات .. وتنظيم فوضى المستشفيات .. لها جهات أخرى مختصة !!

..

إقتباس


	يعنــي بالعقل الواحد مايروح للسوق وهو لابس يروح مثل الهنود ؟؟؟؟؟؟؟ يعني الواحد مايطلع هو وزوجتــه بلحالهم ..... واذا ربي مارزقه بعيال ..... يتسلف من جيرانهم نص ساعه ويرجعهم ..؟؟؟؟

ياليت الكلام يكون أوضح شوي !

مما فهمته من ردك أقول :

الحل يا أختي .. إن الواحد ما يجعل نفسه محل شبهة .. ولا في وضع لا يرضي الله ..

أنا ما أعرف أحد محترم نفسه والناس .. له مشاكل مع الهيئة !!

لكن اللي بيطلع مع وحدة ( ولو زوجته ! ) لابسة مخصر .. والـ ( ميك أب ) ما يحتاج .. والضحكات واصلة لآخر المحل .. هذا يستاهل ما يجيه !

..

إقتباس


	حنا مرتاحين ماعنـــدا هيئـــه اصلا ماندري وش الهيئــه الا اذا جينا الرياض

حين أجدك هنا تفرحين بعدم وجود أهل الحسبة في منطقتك .. لا أملك إلا أن أسأل الله أن يهديك ويلطف بك ..

فزوال الأمر بالمعروف والنهي عن المنكر سبب في وقوع عذاب الله ..

وأرجو ألا يكون انتشار ( الإيدز ) والجهر بالمنكرات الذي نسمع ونقرأ عنه هناك .. بداية العقاب ..

.
.

الله اهد ضال المسلمين ..