نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - واخزيـــــــــــــــــــــــــــــــــــــــــــــــــاه

الهلالي- ابوسارة · #1 01/01/2006, 05:40 AM

تـم قـفـل المـوضـوع لانقـلابه إلى شـات ..

تشك ----> هذا صوت القفل

أنت وخشمك يا الظهراني إلى الحين في هالموضوع ؟؟ اعنبوا بليسك في كل صفحه لك عشرة ردود .. عط القراء فرصة يردون يااخي

الله المستعان ـ أذكر من فترة بعيده .. دخلت المجلس هذا وشفت موضوعك مثبت .. واليوم دخلت ولقيته الى الحين موجود ..

اعنبوا شيطان الموذي .. وش هالموضوع اللي متروس مواد حافظه ..متى تنتهي مدته أفهم بس

يااخي كان لخّصت مووضوعك وحطيته مسج .. وقلت بإختصار :

" خويي غازلته بنت ، انقلبت الآيه وصارت البنت أجرأ من الولد في هالزمن "

ليه كل هالموضوع االطويل العريض اللي رازحه في صدر هذا المجلس ----> يابن الناس توكل على الله لا يكون مجلس بيتكم وحنا ماندري

آآه يا الظهراني والله اني أحبك وبس .. ( وجه واحد ماسك قلبه في يمينه ويقول: دووك )

إقتباس

الرسالة الأصلية كتبت بواسطة هلالي الظهران


	ماعليك من ابو ساره ماسك عليه صور;)

احووووول بدينا يعني بالفضايح ؟؟ أعلم عليك وش انت مسوي ذاك اليوم ؟؟ أعلم هااه حط عيني بعينك هااه أقوول؟

أقول لهم عن صورتك وانت مرسّم ومهديها شغالة الجيران؟ لا لا ما راح اقول ..

أقول لهم إنك ذاك وذاك ؟؟ هااه .. ترى ذاك وذاك ماراح من ذاك ..ايييووه انتبه وانا ذاك .. قصدي انتبه وانا اخوك

-----------------------------

عااد جد .. قسمن عظمن جد هالمره :

انا رديت في البدايه .. وأثنيت عليك .. ولما شفت الموضوع في نهايته .. قلت لازم يكون لي بصمه أخيره ..

تحياتي لك .. وإلى الأمام وبالتوفيق وأحسنت .. الى الخلف در

الله يوفقك في اختباراتك وتصير مهندس أدّ الدنيا ياضنايا ونفرح بك قدام العالم كلهم ..

ونشوفك ان شاء الله ماسك أكبر مباني البلد قل آمين ..

( من هالخبل اللي راح يقضّبك بنايته بس أفهم . . اطلع من مرسول مخي يا بعد مخي

)

تحياتي بكل طاقاتي وإلى اللقاء في الحلقة القادمه

إقتباس

الرسالة الأصلية كتبت بواسطة هلالي الظهران


	تمت

وش اللي تمت يا بعد طوايف اللي ما جابوني .. احتري ردك تؤبر ألبي

أرجوك أحرق الصور يا مقرم يا مفتري دا زولم وربنا مايحبّش الزولم

------------------------

برايفط :

فتى الحروب .. لا عدمتك وصلني ذاك وذاك .. وش رايك الحين وانا مقتحم الشبكه

تسلم .. طوط طوط انتهى البرايفط !