عسى مافاتني اللقاء لاني توني اصحى من النوم والهم

بس حتى لو هو خلص غصب بتجاوب يالاعصار على اسألتي

المهم عندي كم سؤال سهله لاتخاف مو صعبه..

اممممممممم

نبدأ بالسؤال الاول ..
وش رايك بالرياض مو الجريده ديرتك اقصد قد ايش تحبها؟؟ وقد ايش تكرها؟؟ ووش تتمنى يكون فيها؟؟ بالعربي اكتب تعبير عن الرياض

والسؤال الثاني ..
من اكثر واحد من لاعبين هذول يعجبك (يوسف الثنيان او سامي الجابر او صالح النعيمه اونواف التمياط )لاتقول كلهم وتجلس تجاوب اجابه مثاليه وبايخه ابيك تحدد وبعد قول ليه يعجبك؟؟
بس ترى الاول احلاهم ;)

والسؤال الثالث ..
قد عاقبوك اهلك بسبة الدراسه؟؟ واذا كان ايه كيف عاقبوك ووش السبب؟؟

والسؤال الرابع ..
وش رايك بهالمثل هو مثل ولا ايش ماادري المهم وش رايك فيه (إذا كنت ريحا فقد لاقيت إعصارا)؟؟

عندي اسأله كثيره بس كذا يكفي ..

وشكرا لك كثير انك عطيتانا وجه وجاوبت على الاساله ..

واسفه اني طولت عليك

ياليت ما تطنيش وتجاوب ..