هاااااي ياشباب

شفتوا واستمر مسلسل الاكواع
يوم ولد ابن داود واليوم التونسي طيب ماعليه الداود وعارفينه من زمان بكل الاخلاق الشينه معروف لكن وش دخل هالضعيف التونسي اللي بكرة بيروح عن النثر اوه اسف النصر وبيطق كوع وبيروح فيها ايقاف او شطب او حتي سجن ويمكن ايقاف وعقوبه خدمة مجتمع وغيرها مثل مافي اوربا وكله بسبب كوع تعلمه في العريجا .

ياعالم ياهوه هالحين المشكله منهي فيه في في يديهم والا رجليهم والا روسهم ؟

هالحين واحد يطق كوع والثاني يجي طاير يرفع يديه يعترض والمشكله اللي طق الكوع (ملبد ) مايقول شي لانه عارف وشهو مسوى في وجه الرجال ، والا الحياء مافيهم حياء ابدا.

$$$$$$$$$$$$
وش بيصير بعد التعادل وفوز وحيد في اخر سبع لقاءات لعبها النادي المتجمد هل نقول يالله قربوا الثلاجه والا وش نقول ؟
بالامس ذهبت لمحل لبيع الادوات الكهربائيه من اجل شراء فريزر او ثلاجه كبيره تشيل اللحم لان عيد الضحيه قرب .. وش تتوقعون صار لي !!

اللي صار يالله من يقول وش اللي صار

اللي صار اني عجزت القي ثلاجه كبيرة والسبب ان النثر اوه اسف النصر شارين كل الثلاجات الكبيره عشان يحطون ثو...هم فيها .( املأ الفراغ بالحروف المناسبة )

طيب هالحين التجميد متي بيصير بعد كل مباراة والا بس بعد مباريات الهلال ؟ وش تهقون يالربع .

طيب الان قريبا بيعود موضوع التجميد مره ثانيه لان مباراة الهـــــلال قربت معهم وان لفخهم الهـــــلال مثل العويده فعزالله قضت الفريزرات من السوق والله يعين اللي ماشرى له ثلاجه قبل يوم 29/10 واقول له تراك بتحط لحمك في كراتين وتروح تبيعه والا اشر قبل هاك اليوم .

عموما يالربع والله ذولا اكواع تتطاير في كل جهة والحن ساكتين يالهلاليين مانقول شي واخرتها ابويعقوب (يخسى) العقيلي مابقي شي ماسواه في الهــــلال ولاواحد شفته قايل شي عن فعايله وكل كلامنا في مستوى الهــــلال ليه ماشفتوا مثلي ان الهدف فاول وان الهــــلال له ضربة جزاء لابونزهان بس وش نقول .

ابغي كل واحد منكم يتصور لو الهـــلال فايز والضربه لخصمه كان والله ان يتوزعون في الشوارع يدورون هلاليين يحاكونهم عن البلنتي وان كان فيه برنامج مابعد خلص الي هالحين علي الارتي يقرون فيه فاكسات .
احسوا عن حقوق الهــــلال ولاتخلونهم هم اللي بس يدورون شي علي الهــــلال والحن حتي حقنا ماناخذه .

الصدق اعجبني واحد كاتب موضوع عن اخطاء التحكيم علي الهـــــلال اسمه كله تسعات اعتقد انه المشرف علي المنتدي بصراحه هذا الحسي طبوا فيهم ووضحوا حق الهـــــلال ولاتخلون لهم فرصه ينفسون الهـــــلال حاشرهم منى والحن منى وش قلتوا .

شكرا خاص للاستاذ سلمان99999 علي دعوته لي للكتابه بين اخواني الهلاليين واعتذر لكل من من يحب الكتابه بالفصحي انني لااجيدها ولذلك اعتذر له وخاصة الاستاذ الكاتب النحرير جزاه الله مني كل خير .

------------------
مامعي شهادة ولانيب دكتور

تم تعديل الموضوع بواسطة ادارة الموقع (بتاريخ 17-01-2001)