سعود


هلا والله وغلا بالاعصاررررر

اللى ما ينشاف ولا يرد على احد

ماشاء الله عليك يا جدنا ابو سليمان تعرف تختار

اول شي يالاعصار لا تقعد تصرف خلق الله

هلااااا سعود بيك ، وشلون ما انشاف ولا أرد - انت ناوي تشوي سمعتي ههههه -
بعدين من قال اني اصرف ..... والدليل الصفحات السابقة ..


وش تعني لك الكلمات التاليه

الزعيم : ما ادري تقصد الهلال ولا الموقع ، لكنه يبقى الحب الأول والأخير ..


سامي الجابر : اسطورة رياضية ، ولاعب فريد من نوعه في تاريخ الكرة السعودية .

التعصب : آفة تنهش في الرياضة ، مع أنها في بعض الحالات تكون ملح الرياضة !!

ناصر الجوهر : غير كثير من المفاهيم الرياضية وأتمنى لو نرى عشرين من أمثاله .


ان الهاتف المطلوب لا يمكن الاتصال به الان : أحسن جملة في العالم بخخخخخخخ ولا تنسى ( ان الرقم الذي طلبته غير موجود في الخدمة ) .

التسلط على الضعيفين اللى مثلي : ( علامة تعجب ) ! بصراحة مافهمت .

القفل : من أحسن اختراعات القرن .

سوق الحمام : !! علامة تعجب بعد مدري والله

الـ XL : تاريخ مجيد

ميد : يكفيها انها 24 ساعة نعمة الله لا يغير علينا .



من الاعضاء
سؤال حلو ..

واحد ودك تتوط بطنه : هههههه المشرف المتألق مخاوي البطولات هههههههه

واحد مبثرك : سعودباسئلته الصعبة هذي ههههههه

احد تحس انك ظالمه : مافيه ان شاء الله أحد مظلوم

واحد اخلاق : أبو منار

واحد دايما تقرأ مواضيعيه : اممممم والله الكل أقرأ لهم بصراحة

واحد ودك تشوته من المنتدى : مافيه أحد ..

واحد محترم بالمنتدى وتحس انه خراط : هههههه واحد في بالي والله ههههههههه ( أنا عارف انه يقرأ الإجابة وبيضحك لأنه عارف نفسه ) ، بس تراه حبيب .

وش راح يكون موقفك في هذي الحالات

واحد يدق عليك الساعه 4 الفجر ويسالك المباراة بكرة منقوله؟؟؟؟؟
تخيل ! لا ويسأل عن القنوات اللي بتنقلها واسامي المعلقين

لو انك توك مطلع الكابرس من الوكاله وما تدري الا بكامري يسوقها مستر طاقيه صدمتك
كأنك معي ... صدقني كادت تصير بس عاد مهوب كامري ..... ربك ستر

منهو احسن مشرف مر على منتديات الزعيم؟؟
صعبة الحكم بسهولة ... لكن والله كلهم فيهم الخير والبركة ، ولولا تميزهم ماتم اختيارهم للإشراف .

عضو من ناحية جودة المواضيع اللى يكتبه؟؟
اعتقد ان الاستاذ عبدالله الموكاء كانت كل مواضيعه متميزة ومفيدة .

مدرب مر على المنتخب؟؟
أعتقد أن أبو خالد عرف لعبة المدربين وعرف لعبة الإعلام وعرف كيف يتعامل مع أي ظروف ، وبالنظر في تعامل المدربين مع المنتخب طوال السنوات الماضية وأخطائهم في تعاملهم مع المباريات أشوف أن أبو خالد مازال الأفضل دون مجاملة ، كندينو عام 93 كان متميز وماشي صح لكن يصعب الحكم له بالأفضلية لقلة المباريات الرسمية التي درب فيها المنتخب ، ولكن يكفي أنه كون نواة لمنتخب 94 .

لاعب انجبته الملاعب السعوديه؟؟
ببساطة : يــوســف الــثــنــيــان

معلق مر عليك؟؟

كان علي داوود في كأس آسيا 84 وتصفيات لوس أنجلوس 84 شي خيالي ، تخيل رغم مرور 18 سنة إلا أن الألفاظ والمصطلحات التي كان يقولها علي داوود ( قبل لا يدج ) مازالت تستعمل من المعلقين حتى الآن ، اذكر بعد هدف محسين على الكويت في آخر الدقايق جلس علي داوود يبكي بعد المباراة من الفرحة ( تخيل عاد ) ، عموما ماراح يمر معلق مثل علي داوود في تلك السنة .

سعدت بأسئلتك استاذ سعود وترى بعض الإجابات فيها مزح ..


=====================================================

القلب الأزرق

لماذا أو وش اللي طرى على بالك وخلاك تختار أسم ( الإعصار ) بالذات ؟!!
لا يوجد سبب معين بحد ذاته وكما ذكرت في إجابة سابقة كان فيه ارتباط بالاسم قبل الانترنت واستمريت عليه .

أحرج موقف مرّ بك ؟
المشكلة ذاكرتي ماتسعفني كثير ، ممكن اذكر لك موقف .. وأنا في أول ثانوي كان عندنا مدرس قصير ولا يلبس عقال ، الحاصل مرة وأنا ماشي في المدرسة شفت واحد يشرب من البرادة وكان عندنا موضة ساعتها وهي اننا ندف اللي يشرب من البرادة بحكم انه يكون معطينا ظهره ، الحاصل أنا جيت طاير ودفيته وأنا اضحك على أنه خويي .. وألتفت علي إلا وهو المدرس ! ( رحنا فيها ) .

في ظنك وش قصة جمجمة الهلال مع قافية الراء ؟!!
والله مدري ، تخيل كنت ناوي أجاوب بنفس الطريقة ، بس والله ما قدرت ..

يعطيك العافية وسعدت بأسئلتك ،،

=================================
للإجابات بقية