بسم الله الرحمن الرحيم
السلام عليكم ورحمه الله ...

هذه المشاركه اتمنى انها تاخذ حجمها الطبيعي وينظر لها من زاويه مصلحه منتخبنا

للاسف فاز المنتخب اليوم بصعوبه على منتخب الامارات وبمستوى متدني على الاقل لايرضي

ذوق الجمهور السعودي الي يعرف الوجه الحقيقي للمنتخب وهنا يجي السؤال الي يطرح

نفسه ؟؟؟؟؟ ليه كذا ؟

1/ يقولون ضغط نفسي ..

طيب اذا في كاس الخليج وجاهم ضغط نفسي بكره فكاس العالم وش يصير لهم .

2/ يتحججون بالنقص والاصابات ..

محد يقدر ينكر دور اللاعبين الغايبين عن المنتخب ويمكن ابرزهم الكابتن نواف لكن

هذي ظروف تواجه اي منتخب , والمنتخب المتميز هو الي يقدر يوجد البديل ويسد

النقص ومع هذا الموجودين فيهم الخير والبركه

ومن وجه نظري الشخصيه ان منتخبنا يلعب بثقه زايده ويلعب على اساس انه بطل

ومتاهل وخلاص محد يوقف في وجهنا واليوم اثبتوا هذا باللعب الفردي في اكثر من

هجمه والتمريرات الغير متقنه وعدم التركيز في انهاء الهجمه .

وكل هذا ليه لانهم يلعبون باسم المنتخب السعودي المتاهل لكاس العالم 3 مرات

وبكذا يدخلون اي مباراه وباي بطوله وهم ضامنين الفوز قبل صفاره الحكم

وللاسف اثبت منتخبنا انه مايصحى ويعيش في جو اي بطوله الا اذا وصل لمرحله خطره

او تلقى هزيمه وما ننسى كيف كان حالهم في كاس اسيا في لبنان ومارجع الاخضر

لمستواه الا بعد فوات الاوان واخذوها اليابان .


لكن الي راح راح واحنا نطالع قدام , وبالنسبه للمدرب والله ياناصر كفيت ووفيت

وسويت الي عجز يسويه غيرك لكن العيب مو منك العيب من الثقه الزايده في لاعبينا

واتمنى نشوف منتخبنا الاخضر بالصوره المعروفه لناوبالنتيجه والمستوى

مو النتيجه بس لانه بصراحه الوضع الحالي يخوف اذا قدام الامارات وكذااذا لعبنا مع

المانيا والكاميرون وش نسوي .... ( كل دقه بتعليمه ) وان شاء الله يتداركون

الاخطاء ويرجع الاخضر الي نعرفه وكلامي هذا ماهو تجريح بلاعبينا ومنتخبنا كثر ما هو

خوف وحرص على مستقبله .......

مع هذا يعتبر رأئ ووجهه نظر من شخص يتمنى يشوف منتخبه في منصات التتويج ومايكون

وصيف ولكن يكون البطل دائما .

وشكرا.....