نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلالي للغااايه · #14 08/12/2005, 07:38 PM

إقتباس

الرسالة الأصلية كتبت بواسطة hilali.sa


	اتمنى ان الوسط الرياضي السعودي يتعامل مع هالحدث بعقلانية وروية بعيدا عن التسرع والعواطف. مو حنا الوحيدين اللي نتعرض لمثل هذي الظروف. هذي عندكم ايران على سبيل المثال. بحكم انها اقرب فريق لمنتخبنا من حيث تقارب المستوى و طريقة اللعب والظروف. دخلوا في البطولة Lg الدولية في طهران على ارضهم. ويومها سحق منتخب ايران الأول بنتايج مخزية من منتخبات مبتدئة مثل مقدونيا. ومع ذلك ماتغير مدربهم. إنجلترا ايضا تعرضت لمثل هالظروف في تصفيات كأس العالم وانهزمت من ايرلندا -على ما أظن- بنتيجة اربعة اهداف وكادت انها تكون اكثر عطفا على اداء انجلترا السيء. وهو المنتخب اللي يضم لاعبين من أفضل نجوم العالم. وبرضوه ماتغير مدربهم. ياجماعه أي مدرب في العالم معرض -زيه زي اللاعبين والإداريين والسياسيين ورجال الأعمال وكل البشر- إلى فترات يقل فيها مستواه وتجارب فاشلة (ومحطمة في بعض الأحيان). وللأسف ان حنا لازلنا نحكم على المدربين بالسلبية من أول إخفاق حتى لوكان حقق مع الفريق انجازات يحلم بها اي مدرب. وفي الوقت اللي تكون مغادرته جاهزة يكون المدرب الجديد في صالة الإستقبال!! ومعه نبدأمن نقطة الصفر مرة أخرى: طفرة بالجديد ووعود بالأنتصارات والإنجازات ومحو الصورة السابقة للمنتخب - تأسيس فريق من أول وجديد - تعرفه على اللاعبين ومهامهم المناسبة - تعويد اللاعبين على طريقة التدريب والفلسفة الجديدة(وطبعا مع نسيان طريقة المدرب القديم تماما) - ولا أنسى أسطوانة (ليش المدرب ما ضم هاللاعبين للمنتخب!!) وفي الأخير يجي الأخفاق والفضيحة الكبرى! ونجي نطلع الفضايح و نعيد نفس الموال: المدرب ماله تاريخ كروي - المدرب قاعد يجرب فينا - المدرب ماعنده إلا خطط داجة - التشكيلة اللي حطها دمار و لو انه اشرك اللاعب الفلاني كان ما انهزمنا ومن ثم يصير حاله كحال غيرة ويسلم تذكرة المغادرة ونبدأ من الصفر مرة أخرى!!! ياناس خلوا نتعلم من عمان!! شوفوهم خذوا ماتشلا -اللي حكم عليه كل الخليج بالفشل وحنا أولهم- وبدأوا معه خطوة خطوة. وصبروا عليه. وعطوه فرصة يكون فريق. وصبروا على اخفاقاته. بس في الأخير طلع لهم منتخب ينافس على النهائيات. بعد ماكان في المركز الأخير لعقود من الزمن!! وعلى العكس تماما. يوم جاء عند ناس متأثرين بالكابتن ماجد حق أفلام كرتون(يبون فريقهم يفوز في كل مباراة) بذل جهد كبير ووصلهم للنهائي. وعند الهزيمة الأولى قضبوه الباب!!! أنا ما عندي مشكلة في انتقاد المدرب -سواء كالديرون أوغيره- بل بالعكس الإنتقاد راح يفتح للمدرب افاق وملاحظات قد تغيب عن باله. ولكن أن تجبر على المدرب تشكيلة معينة وخطط معينة وقرارات وتعطية مده بسيطة وتطالبه بإنه يصنع لك فريق و نجوم في ليلة وضحاها وأنت لاتدرك صعوبة مطالبك فتوقع الأخفاق مسبقا.