إقتباس وبالنسبة لأخبار الإنتقالات البرشلونية بصراحة. أتمنى أن يبقى هنري في الارسنال ولا ينتقل لأي نادي. لسبب بسيط ألا وهو أن برشلونة بصراحة كامل، ومانبي نكون مثل غيرنا نجمع ولا نلعب الحين ماكسي ماكلها مسكين مالقاله محل. فـ بالعربي هنري يبقى في الارسنال وروبن ماله مكان. مهما كانت نجوميتهم فبرشلونة لا يحتاجهم الآن. ايتو روني لارسون ماكسي ميسي جولي ازكويروا كفاية وزيادة بعد

معك يالغالي بس فيه اختلاف بسيط ..

هنري بكل صراحة اتمنى وجوده .. صحيح ان المركز عندنا مليان لكن فكر في بداية الموسم القادم وش ممكن يصير ؟

لارسون ماراح يستمر على نفس الحال .. الرجال شيـّب وماعاد بالعمر كثر اللي مضى ..

ماكسي .. راح ينتقل على الاقل موسم ونص او موسمين ..

ازكويرو يلعب جناح ..

ميسي خلف المهاجمين واحيانا يلعب مع ايتو قدام ..

وجولي في جهة اليمين مسرح لحاله ..

رونالدينهو لو تحطه دفاع ابدع في المركز وتلقاه يقش الكورة بكعب بعد ..

هنري اتوقع وجوده مطلوب .. يساند ايتو في الهجوم لان ماعندنا مهاجم صريح وهداف الحين الا ايتو ..

لارسون مايلعب كثير .. ماكسي هو اللي مفروض يساند ايتو ..

اما روبن ماله مكان 100 % .. ماراح يلقى فرصته بسهولة وراح يصير فيه حيرة كبيرة لرايكارد ..

وبيصير تجميع نجوم على غير فايدة وهالشي مانبيه ..

إقتباس ياليت لا يجيبون احد ولا يبيعون احد برشلونة حتى ماكسي ليت مايروح بياخذ فرصته اذا راح ايتو لبطولة أفريقياً وأكيد بيلعب في كأس إسبانيا وإن شاء الله ايتو تجيه إصابه لمدة شهر عشان يلعب ماكسي شوي .

نقطتك مهمة ..

بس ماكسي عمره 21 سنة .. وتوه بدري على الليغا وصعب جدا يعتمد عليه لوحده في الهجوم ..

لذلك بنشوف رونالدينهو و لارسون يسانده .. او حتى ميسي ..

بس الموسم الجاي ماراح يكون فيه مهاجم صريح بالفريق الا ايتو ولارسون .. ويمكن ميسي ..

اذا قدم هنري .. < بينطق .. ساعتها المدرب له نظرته وبيشوف من الاحق في اللعب بجانب ايتو ..

ابو 35 سنة ولا ثاني افضل لاعبي العالم

وبعدين مايندرى وش ممكن يصير .. الموسم توه طووييل .. ويمكن تصير انتقالات ليست في الحسبان ..

بالطيب بالغصب ابيك توافق على قدوم هنري مالي دخل ..