| أنا بس ودي أعرف وشلون مدني قيم كل الفرق المشاركة بها السرعة وحط المنتخب في ذيل القائمة خلال مباراة وحدة؟ ياشييييخ ولله لو إنه جوزيف بلاتر رئيس الفيفا بكبره ماعرف يقيم المنتخبات بهالسرعة!!
لكن ماعليه شرهه!! الشرهه على اللي لاعب عليه وقايل له إنك محلل رياضي وجايبه للإستديو!!!
هالأشكال لازم ماتعطى فرصة للتصريح بأي رأي.لأنها إذا أعطيت مساحة في الإعلام راح يكون لها تأثير سلبي على نفسية و معنويات المنتخب!! لأنهم راح يهدمون كل ماقدمه المنتخب في مشواره بمباراة وحدة!
للأسف إنه يعتمد في تحليله على أسلوب إنتهى منذ زمن الملاعب الترابية. وهو إسلوب كابتن ماجد حق افلام الكرتون (لازم تفوز دايما ولا تراك ماتعرف للكورة) بل حتى البزارين وهم مايفقون تركوا هالإسلوب وصار عندهم شوية مهارات في التحليل.
شاف ان المنتخب منهزم وقال خل أتفلسف وأقول بإن المنتخب مايصلح في كأس العالم وإنه أضعف منتخب وإدائه ضعيف و..و.. و....إلخ وأعتقد حتى لو إنه ماشاف المباراة وقالوا له النتيجة راح يقول نفس الكلام!! حتى لو كان المنتخب ضاغط وله الأفضلية في اللعب وضاعت عليه فرص كثيرة. يعني مجرد فلسفه الغرض منها المهايط بإنه يعرف يحلل مباريات!!  | 