نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - صغار وكبار.. أبهروا الجميع أشد الإبهار.. فحققوا الانتصار.. وأخذوا الصدارة باقتدار..

الأصيـل · #1 13/11/2005, 06:45 PM

[align=center]

حياكم الله جميعا ..

بصراحه مدري وش ابارك لكم أبارك العيد والا نبارك الفوز والا نبارك الصدارة

مع ان العيد قضى من زمان لكن على قولة واحد من الربع هذا

احدعشر العيد :p (( على وزن ثاني العيد ))

عيدكم مبارك وعسى الله يعوده علينا وعليكم بصحة وعافية ..

ومبروك لنا نحن الهلاليين الفوز والصدارة

.. اللي بغى مايجي ..

لكن الحمدلله كما عودنا الصويلح رجل اللحظات الأخيرة ..

حسمها .. في الوقت الضائع .. وأنا ودي أتكلم عن هالولد شوي <<مسوي يمون عليه

والله مشاء الله عليه أحمد الصويلح .. هذا هو المهاجم التي تأمل عليه الجماهير الهلاليه

بنية جسمانيه

لياقه كافيه

سرعه خياليه

قدم قويه

ضربات رأسيه

ارتقاءات عاليه

تراني قايل ماشاء الله لحد يقول انظله :p .. ثم بكره تجيه اصابه ونتوهق ..

وأيضا أحسن ميزه فيه أن الكرة ما تفلت منه بسهوله ..

وأيضا فيه موقف صار لي مع أحد الزملاء العام الماضي

كنا نتكلم عن الصويلح وناجي مجرشي

أنا كنت أقول مافيه مقارنه بينهم طبعا ناجي أفضل بكثير

وكان وقتها الصويلح نازل مستواه وهو يقول لا الصويلح احسن

بس اصبروا عليه .. وانا وياه طقاق .. لدرجه انه قال الصويلح

أحسن من رونالدو ..

المهم مرت الأيام وصار كلامه صح ..

ياقوي ياريان ..

ــــــــــــــــــــــــــــــــــــــــــــــــــــــــــــــ

اللي بيقرأ العنوان بيقول هذا أحسن كاتب في العالم .. فهد الصالح على غفلة.. :p

مايدري ان هالعبارات ماجت الا بالطقاق .. بعد ماعصرت مخي .. :p :p

* كوماتشو وما أدراك ماكوماتشو قلب الهلال في تلك المباراة

صدق اللي لقبه بالساحر تحرك وأبدع الشوط الأول فتحرك الهلال ..

روقب وحوصر في الشوط الثاني فنام الهلال ..

* سلطان البرقان المحور الناجح

.. بصراحه أثيت مكانه هذا اللاعب وقدر يغطي

مكان خالد عزيز .. تغطيه ممتازه وتمريرات ملعوبه على المقاس ..

* جيلسون البرازيلي .. مباراة شبه رائعه له .. ومؤشر جيد .. بس فيه عيب واحد

إذا انقطعت الكورة منه مافيه أمل يرجع ..

* عدة يادعيع والعود أحمد

.. ماشاء الله عليك كنك رجعت ثمان سنين ورى ;) .. ما أقول

إلا الله يحفظك من ......؟؟

* ياسر الياس ..لم يظهر بالمستوى اللي نبيه كان واضح عليه الارتباك .. بس اصبروا عليه ..

وبيصير أحسن من روبرتو كارلوس ..

ــــــــــــــــــــــــــــــــــــــــــــــــــــــــــــــــــ

مابهذلنا في المباراة الا خشونة الفريق القدساوي

..ولعبهم الدفاعي البحت ..

أنا نفسي أعرف من وين جابوا هاللبناني ..

أول مرة أشوف لبناني محترف .. :p

ـــــ

تقبلوا تحيــــــاتي

[/align][/size]