بصراحة كنت متوقع ان ملعب القطارة هذا راح يكون الملعب الكبير اللي يلعب فيه منتخبهم دايما ولعب فيه نهائي الدوري الإماراتي نظرا لأن اللقاء يجمع بين فريقين قويين وان المبارة كسبت ضجة اعلامية كبيرة كونها نهائي اسيا. لكن اتضح ان الملعب مايغطي اكثر من خمسة عشر الف مشجع بالكثير والأدهى من ذلك ان المدرجات كانت فيها مساحات فاضية وراء المرمى خصوصا. ويقالك هالحين ان جماهير جميع الأندية حضرت عشان العين من كل إمارة. الله يخلف عليهم!!!!

ولله ان اللي شاف مباراة النجمة والفيصلي في لبنان يلاحظ ان لبنان حطت المباراة في ملعب لا يقارن بالقطارة من ناحية السعة وجاء فيه حضور جماهيري لبناني يفوق الأماراتيين بكثييييييييير هذا وهي نهائي ابطال الكؤوس ماهيب السوبر. اجل لو صارت السوبر وش بيصير؟

وزيادة على كذا يسمون ناديهم زعيم اسيا. زعيم اسيا وجمهوره مايتعدى خمسة عشر مشجع في الملعب!! ولله شي!!

لكن الإتحاد بصراحة علمهم وشي اندية السعودية اللي انتم بنفسكم صرتوا تهذرون باأنكم هزمتوهم كأنكم منتم مصدقين هالشي!! ما اقول الا ياليت ان الشباب هازمهم ومتأهل!! كان بقت البطولة اليتيمة اللي جابوها مع فريق تايلندي كسرة وضعيف===>(متى سمعتوا ان تايلند لها خبرة كروية مقارنة باليابان وكوريا والصين) مجرد ذكرى يتحسرون عليها كلما شافوا الأندية السعودية تحلق في سماء البطولات.

والمشكلة انهم ما حسبوا لنا اي حساب وتشوفهم في منتداهم وقنواتهم دايما يذكرون هالمبارايات اللي بينا وبينهم. مادروا ان الهلال اللي يقللون من قيمته قد جاب البطولة 6 مرات قبلهم.

لكن الوعد جدة ونبي نعلمكم هناك وش هي الأندية السعودية اللي صارت القطارة مقبرتهم وصاروا حقين بطولات مال أول وياويلكم من العميد!!