مشاهدة مشاركة بصفحة مستقلة
  #6  
قديم 30/10/2005, 09:56 AM
ابو يعقوب وبس ابو يعقوب وبس غير متواجد حالياً
زعيــم مميــز
تاريخ التسجيل: 31/12/2000
المكان: سارية المفعول
مشاركات: 1,998
رباعيه بأقل مجهود

عبدالله إذا أنت ماشفت المباراة هالمره أنا كفيتك

تشيلسي دخل الشوط الأول بإندفاع غير طبيعي .. لدرجه ان الهدف الأول جاء الدقيقة 9 وانا والله ماحسيت من كثر الهجمات والضغط على المرمى ، إستمر الوضع وجاء الهدف الثاني .

بلنتي الجماعه أكون معك صريح ماشفته .. اللهم يوم فتحت التلفزيون مره ثانيه لقيت تشيلسي توهم يسنترون !

هدف التعادل أنا أختلف معك من المتسبب فيه

صراحه حركه غير مضمونه إرجاع الكره بشكل مرتفع عن سطح الأرض للحارس مهما كان الحارس !

وأنا لا ألوم البطل تشيك على الخطأ .. فالخطأ من ديل هورنو في البدايه وهذي الحاله تذكرني بهدف الكويت العام الماضي على السعودية في كأس الخليج عندما أخطأ في تشتيت الكوره وصارت الطقه في راس الدعيع !

الشوط الثاني تشيلسي كان فريق واضح إنه يبي يفوز بس بأقل جهد

والدليل شفه عقب الهدف الثالث .. ضغط في كم كوره ولو ركّز فيهن لأصبحت النتيجه 5 أو 6 وبسهوله .. وهذي ميزة البلوز ماشاء الله .

الشيء اللي يرفع الضغط أحياناً هو الشوالي .. مع إني أحب تعليقه ويعجبني .. لكن أحياناً يبالغ مبالغات تحسسك إن فيه شي مهوب طبيعي .. وهالشيء سبق قلته إن هذا جزء من عملهم وهو عمل الدعايه و البهرجه اللي مالها سنع ، لكن يظل الأبرز في Art مع خالد الغول .

المباراة القادمه في الدوري ان شاء الله ستحدد الشيء الكثير لنا وهي مهمه إلى أبعد الحدود .. فصراحه لايوجد فريق قوي في الدوري هذا الموسم .. الفريق الوحيد اللي تحسه يناوش من بعيد لبعيد مانشستر .. لكن عقب رباعية أمس ما أعتقد إنهم يسوون شي .. وان شاء الله نروح لملعبهم ونعيد ذكريات ثلاثية العام الماضي .

مباراة بيتيس سهله بإذن الله .. وبيتس تو الريال لاقمهم 2 وهم ناقصين 6 لاعبين تقريباً .. فما بالك بفريق متكامل ماشاء الله والكامل وجه ربي !! على الأقل لو نتعادل معهم .