هاردلك شباب

اشوفكم شباب معصبين .. هدوا اعصابكم

ترا الريال صارلة 14 سنة ما فاز على الديبور في ارضه .. يعني لا ايام كابيلوا .. ولا حتى ايام دل بوسكي الريال استطاع يهزم الديبور .. ولكن اتوقع المستوى هذه المرة كان اخس مستوى طوال الـ 14 سنة

مادري شقول .. تكلمت قبل المباراة .. وقلت تشكيلة الريال مو نافعة .. اشلون يعني نلعب بمهاجم واحد

معقوله نلعب بمهاجم واحد امام الديبور .. الي دفاعه منظم .. ودفاعه تحسن بكثير عن المواسم الي مضت

واصلا من متى كان الريال يعرف يدافع .. الريال معروف طوال تاريخه ان دفاعه سيء وانه لا يهتم بالدفاع قدر ما يهتم بالهجوم

والنتيجة ان راؤول كان معزول لوحده .. ومثل ما يقولون ايد واحده ما تصفق .. وربينهو طايحين فيه تكسر .. والحمدالله انه ما انصاب

والي قهرني اكثر .. هالخال الي دخلوه بدل بيكهام .. لا تمريرات ولا رفعات ولا سرعة ولا حتى سرعة بديهة .. لا ويناور وايد وفي الأخر تنتاخذ منه الكرة

الريال يعاني تكتيكاً .. واحتياطياً

يعني معقوله .. ريال مدريد .. صاحب التاريخ الهجومي الكبير

مافيه غير مهاجم (( صريح )) واحد وهو رونالدو

صحيح ان راؤول وقوتي وبابتيستا وروبينهو .. مهاجمين .. ولكنهم متعددي المراكز .. مو نفس رونالدو او اوين او هنري او سافيولا .. لاعبين هدافين ولا يلعبون بمراكز اخرى غير الهجوم

للأسف الريال للسنة الثالثة يكرر نفس الغلطة .. يشتري بأغلى الأسعار لاعبين .. لمجرد اسمائهم

سعر نجم واحد تأتي فيه وما تستفيد منه ولا يلعب بروح .. تشتري فيه ثلاث لاعبين اصحاب مواهب ومن النوعية المقاتلة

-----------------------------------

لسنة الثالثة على التوالي كل ما يعاني الريال اسمع الشباب يذكروني توتي

ياجماعة هالرجال صحيح لاعب ممتاز .. بس اخلاقه زفت .. كل اشوية ماخذله كرت او موقوف .. واخرها كانت مباراة الاربعاء

وثاني شيء توتي رمز لروما .. مثل مالديني وراؤول .. مستحيل يخرج من روما