[align=center]
بعيداً عن العاطفه .. وعن حبي لزيدان .. لكن لم يفعل اي شيء يذكر .. وهذا ان دل يدل على ارهاقه وتعبه !! وكلنا نعرف كم عمر زيدان 
للمره المليون احمل لوكسا الخساره ..
لعدة اسباب .. تكتيكياً مفلس !!
ثانياً : ما وفر لريال مدريد البديل الجاهز مثل باقي الفرق وشوفوا احتياط باقي الفرق الكبار مثل برشلونه . واليوفي والميلان وفالنسيا حتى !!
وكلنا نعرف من الي يتكون على دكة الاحتياط حقتنا !!
سولدادو شفناه دخل بوقت جداً متأخر ووتوقعت ان لوكسا يغير في بداية الشوط الثاني .. ولكن ما سوى هالشي ..
مدرب كبير زي لوكسا شي طبيعي يعرف امكانيات لاعبين كبار بفالنسيا امثال ايمار و فيسنتي .. الي شفناهم البارحه لا توجد عليهم أي رقااااابه .. وان كان ايمار ما سوى شي الا التمريره الي انفرد فيها ديفيد فيا وخلصها بكل براعه نجم الريال في مباراة الأمس .. سيرجيو راموس .. وأيضاً تسببه في ضربة الجزاء الصحيحه على سيرجيو راموس .. والي أتى منها الهدف الثاني ..
يا جماعه .. لو في لوكسا خير كان ما كرشوه من منتخب البرازيل !!
المباريات الي فزنا فيها سابقاً وحتى هدف المباراة امس كله اجتهادات ومهارات من اللاعبين انفسهم فقط .. والا ضعف الفرق او ضعف مدربينهم احد الاسباب .. لكن خلوا لوكسا يقابل كابيلو مثلاً أو بينتيز ..  ( ماقول الا الله يستر من ابطال اوروبا بس  )
امس خلى ديوقو يمسك الجهه اليمين وبيكهام يرجع لنفس مكانه ايام وجود فيقو .. اجل على كذا ليش طردت فيقو من الفريق ما دامك يا لوكسا ما تبي تخلي بيكهام يمسك الجهه اليمنى !!
بيكهام يرجع لجهته المفضله لكن .. قليلاً .. وكان اكثر شي يلعب بمكانه ديوقو الي كان مبدع لولا نقص الخبره لديه 00
ولاحظنا بيكهام في كم كره عرضيه البارحه يا فوق اللاعبين يا برى المرمى في حال التسديدات .. ولعل عامل الضغط النفسي هو احد اسباب ابتعاد بيكهام البارحه عن مستواه ؟
طرد بيكهام انا اشوف انه صحيح لانه لاعب كبير زي بيكهام ما يسوي حركات لاعب طفل مثل روني !! وكلنا نشوف الطرد بهالحالات صحيح مثل اوليفيرا في مباراة برشلونه ومباراة انجلترا بتصفيات كأس العالم يوم ينطرد روني !! ونلاحظ هالاثنين ما انطردوا الا انهم تلفظوا على الحكم واتوقع بيكهام من قوة الضغط النفسي في المباراة ما تمالك اعصابه وذب كلمه على الحكم !!
وبالطبع طرد البقره الدينماركيه .. صحيح ولا أحد يناقش الحكم فيه مطلقاً .. لانه لا يوجد له مبرر ابداً .. الكره لم تكن بتلك الخطوره بتاتاً .. ولكن لا يوجد عقل في جمجمة جرافيسين للأسف !!
راؤول بالأمس أبدع في الهدف الأول .. وهذا الي يميز راؤول عن بقية المهاجمين .. وهو اللمسة الاخيره .. انقطعت عنه الكور بالمباراة امس الا من كورتين جته صحيحه وكلها من اللاعب الكبير روبيرتو كارلوس .. وحده منها جت هدف .. والفرصه الثانيه لم تدخل المرمى نظراً لضيق الوقت .. وأيضاً الضغط النفسي الي يعاني منه راؤول في هذا الوقت.
وارجع اكرر يا لوكسا راؤول ميزته اللمسه الأخيره بنسبة 99.9% هدف .. ليه تقتل ميزة هالولد بالتراجع !!
سيرجيو راموس . هو أمل الدفاع الاسباني وبشكل خاص دفاع ريال مدريد .. لاعب صغير مثل راموس يخلص هدف محقق .. لم يفعلها ولن يفعلها منهم اكبر منه امثل هلقيرا و بقية الدفاع الاسباني في اندية الليقا باستثناء قلب الأسد بويول ..
راموس ما شاء الله عليه تجد لديه الحماس .. في الدفاع عن ريال مدريد مثل بويول تماماً كل الي جنبه عاهات .. لكن كلنا نشوف حماسه واخلاصه لبرشلونه .. تماماً راموس مثله .. لكن بفرق عامل السن والخبره .. وبهذه يتفوق بويول .. كلي أمل .. أن أرى هذا اللاعب في سن ال24 .. !! ;)
كاسياس !!
اختصرها بـ الكبوه التي جابت بنا العيد
روبيرتو كارلوس ..
أكثر لاعب تحمس من لاعبين الريال هو وراؤول وراموس .. وروبينهو .. ولعله هو أكثرهم .. اقسم بالله من نظراته تحس انه يقول حرام مستحيل تفوزون علينا !! لكن اليد الوحده ما تصفق يا كارلوس ;)
قوتي ..
أرجع واقول يا زينك كـ بديل .. ;)
قارسيا ..
صوره مع التحيه لكل من سوّلت له نفسه وقال ان جرافيسين ازين منك
لاعب يعرف كيف يخلص الكره حتى لو سبب خطأ .. فهو بكل اختصار اهون من جرافيسين بكثير ..
روبينهو ..
اللاعب هذا كان متحمس كثير وكانت تحركاته تربك الدفاع الفالنساوي .. لكن كأنه محلوف عليه يسحب واجد .. !! ثم يحجر نفسه بزاويه ما يعرف يتخلص منها
وبالنسبه للحكم بالأمس كانت قرارته جريئه جداً نعم ان اغلبها صحيحه لكن برضو كانت جريئه وبالطبع فريق زي الريال مستحيل يحمل الحكم سبب الهزيمه ..
عموماً هارد لك على الهزيمه يا شباب ومو حلا هو نفوز بكل مبارياتنا :p بس اهم شي لا يكون فاتكم حماس كانيزاريس .. يوم يطلع بالكوره برى منطقة الجزاء 
انتظر الهزيمه الكبرى امام الديبور في ظل وجود نقص كبيييييييييييييييير في الريال .. وهذا الشي الوحيد ماله حل الا البديل الجاهز .. وشوفوا الاحتياطيين الي عند لوكسا وتعرفون ليه قلت هزيمه .. بالفعل انا مو متفائل أبداً ... بمباراة الديبورتيفو .. لكن ما نقول الا الله يستر بس ونطلع منها بتعادل على الأقل .. !!
تحياتي[/align]
اخر تعديل كان بواسطة » Zinedine Raul في يوم » 24/10/2005 عند الساعة » 07:45 PM | 