اول شي مشكور وماقصرت ..يعني اهم شي في كلامك واهم شي في هالموضوع انكم تواصلتوا معنا كالعاده ماقصرت الاداره الهلاليه كلام جمهورها مسموع..

ثاني شي...
قصة ديادورا فهمناها...ان الغلط من الشركه وعارفين هالشي من اول ..الجمهور الحين منفتح بكثره ويعرف اشياء يمكن النادي مايعرفها..مو مثل اول كل شي مخبا لا نعرف السالفه وفاهمين انها من الشركه هي اللي جلست تماطل...

اما تجون وتقولون ان الهلال لبس طقم كوسمو وبريميو..!! ذي كثر لي منها اوكي...
احنا نتابع ونشوف كل بطولات العالم...تقولي لابسها ميلان واليونان..اقولك شوف اللبس عليهم..شوف نوعية القماش ودرجة لون الفانيله ...وقارنها بقماش الهلال ودرجة لونه الباهته....

شي واضح على شاشات التلفزيون ملاحظين الفرق في التلفزيون..كيف لما اشوف الطقم قدامي..!!! شتان بين طقم الهلال وميلان ..

اذا الهلال فعلا لابس من نفس الشركه..

اجل خذ مني وكل الجمهور يعرف انه طقم عرض..تجريبي...عشان كذا لبسه قبل الميلان..لأن الشركه تجربه كشكل فقط..لا مواصفات من ناحية اللون او التركيبه او مميزات القماش عموما..فهي تطرح تجربه شكليا فقط لا اكثر...

مثل العطور لو تشوفون في اشياء اسمها tester وهذي اللي لبسها الهلال...يعني مو حلوه نجي ونفخر في هالملابس..نادي الهلال مو نادي تجربه ..سكة الحديد المصري يلبس طقم اصلي من ديادورا وهو سكة الحديد..ونادي الهلال العريق القرن الاسيوي..ياخذ ملابس تجربه...!!!

لأن الجمهور فاهم وواعي....ويقدر يفهم احسن من اي واحد ثاني..فرجاء ماتلعبون علينا في مسألة ان الهلال لبس طقم عالمي,,وفي الاساس هو اي كلام..لأننا نفهم...ونشوف ونعرف...

انا متأكد وابصم على العشره ان هلاليين كثيرين معي في اللي اقوله...اعرف ان في ناس بيجون وراي هنا يسبون فيني..بيقولون مين انا عشان ارد على الاخ.

.اقولهم انا هلالي غيور محب لنادي الهلال احب اشوفه في احسن صوره..صورته كبطل...

ولا في ناس يقولون الطقم مايهم..!! انا اقولهم يكون في علمكم ان الطقم في العالم النفسي يخيف المنافس وحللوه اطباء نفسيين من انجلترا...

لما يجيك فريق لابس طقم مثلا نقول الارسنال او الميلان..فقط لمجرد رؤية اللبس الخصم بيخاف..وبيعرف انه فريق كبير وقوي..اما لو يقابل خصم لابس مثل طقم الهلال في طولة الامير فيصل او مثل اللي لعبها في اول الدوري...من جد بيقول اغسل يدك من هالفريق...