ههههههههههههههههههههه

لا اجل انا صااارتلي موااقف كثر الترااب اقوولكم اكثرها فضيحه واكثرها تووهقت فيها

الاول يوم مباراه الهلال والشباب يوم يجيب الذيب الهدف الاسطوري كانت عزيمه عند واحد مانعرفه

ويصير خوي ابوي وعمي

المهم جا ابوي وقالي انا وعيال عمي اذا وصلنا هناك صبوا القهوة قلنا ان شالله

وكنا اربعه اكبر واحد كان عمره 19 وانا كنت 18 والاثنين الي تحتنا 17 المهم جينا ولقينا ولد صغير

وعرفنا ان هذا بيتهم قلنا له نبيك تدخلنا بيتكم نبي نشووف المباراه وقلنا انتبه لايصير فيه حريم

لانه الاخ دخلنا الصاله المهم قعدنا نشووف المباراه ويوم ويوم جاب الشباب هدفين وحنا معصبين

مره وابوي يدق علينا وحنا نقول مابعد وصلنا فيه زحمه في الطرييق <== ماتعووق معهم

وكنا على اعصابنا وقبل لايجيب سامي الهدف دقيت على عمي وقلت له ان حنا حول البيت

لاني كنت واثق من الهزييمه ويوم جاب ساامي القول قعدنا ننااقز ونصاارخ والشمغ تطايرت والعقل

رااحت ومادرينا الا اهل البيت يدخلون وكانوا حريم وحنا من الفرحه قعدنا نصارخ ولا انتبهنا ومادريت

الا ولد عمي يقول حريم حريم واذكر اني قلت ايه والله حريم <== احسبه يعاني الشباب

ويوم انتبهنا تغطوا وقالوا من انتم وش تبون قلنا حنا عيال فلان واسفين بس ودنا نكمل المباراه

<== وسيعين وجهه

واذكر انها ضحكت وقاالت بس لايجينا خبال قلنا ان شالله ويوم فاز الهلال ونصارخ صراخ اكثر من الي فات


ومن الفرحه كل واحد عطى الولد خمسين ريال وجاء معه 200 ريال ويوم رجعنا للبيت الله لايوريكم

عمي وابوي دارين عن السااالفه والباقي اتوووقع انكم تعرفووونه كله ملاحق وطقاق وحنا من الفرحه

مستانسين ولا حسينا هههههههههههههههههه








الموووقف الثاني

اذكر مره كنا طااالعين من مقهى وكان الهلال فاايز على النصر وكنت من القرااده اقهر نصراويه واعيرهم

ويالمهزومين ومدري ويش ومعي خويي مثلي ملسون راعي لسان المهم تجمعوا علينا 4وطقونا ويجون هلاليه

حول 7ونطقهم طق ليين واحد منهم صب الدمان من وجه والي انفلق بس الحمد لله الهلاليه الي فزعوا ماطولوا

والا كاان تلقووونا متشووهيين


هذي بعض المواااااقف الي صااارت لي وان شالله البااقي بعديين