السلام عليكم
ترحيب متأخر بالمره
ولايمكن مهما كتبت اني اضيف جديد لما سبقني له اخواني الغالين بهالمنتدى
لكن مجرد مشاركه من عضو يغلي كل اهل هالمنتدى
وكل ضيف .... خاصة لوكان هالضيف بمكانة الاستاذ صالح .
ياهلا بك عد قطرات الندى 000000 زاد نور المنتدى بلقاك نور
ياهلا باعداد ما البلبل شدا 000000 ياهلا باعداد مكنون البحور
صالح اللي صار ملح المنتدى 000000 واكتمل بالعود بيت اهل العطور
صح متأخر وترحيبي صدى 000000 للتراحيب اللي املاها الحضور
خانني معناي ياجعله فدى 000000 والحروف العاصية عيت تثور
بين ملفاك وتراحيبي مدى 000000 مير سامح هفوته راع القصور
شاعر ٍ باهل المواجيب اقتدى 000000 ربعه اللي سابقينه بالسطور
والخبر ياتي جواب المبتدى 000000 ويوم انا فيهم خبر كلي سرور |