[align=center]
لاصرت بايعني توكل على الله
مابيني وبينك مشاريه وعتاب
شف دربك اللي جيت منه تدله
ماراح تغلبني لو الحب غلاب
من حضرتك عشان قلبي تذله
في ذمتي لجعلك عبره للاحباب
لين الخلي يتوب عن جرح خله
زلاتك اللي مانفع فيهم حساب
لاجيت اعددهن ثمانين زله
احرجتني بين القرايب والاحباب
كن الجفا سيف بوجهي تسله
ماكنت اقصر فيك من كثر الاعجاب
يومك تساوي عندي الكون كله
كنت القريب وكلهم كانوا أغراب
حتى القمر لاغاب شفتك محله
خلاص لاترجع ترا خاطري طاب
ماني بثوب تلبسه ثم تمله
مايجتمع بالحب صادق وكذاب
لا تفسر كل صمتي بالرضا ..
الردود احيان تجرح لو حكيت .. !
ماني بقاسي مثل ما أنتي تخيلتي
يا شين حكمك علي يا بنت يا شينه
بالعكس يا بنت ماني مثل ما قلتي
يا بنت أنا عكس كل اللي تقولينه
ياللي علي بأتهاماتك تطاولتي
ظلمتي أنسان و أنتي ما تعرفينه
ياللي زعلت إزعل ولاني مراضيك
أشرب كدر ماي البحر كانه أرضـاك
بأعز نفسي عنك مـدراك مــدراك
راضي بتعذيبك لأجل قلبٍ أغلاك
وأدوس قلبي لينه يقول خلاك
حتى يقال فلان هانـك و ورآك
وأنسى الغرام اللي مضى وأتحداك
الله يحرم كل ما كان هنـّـاك
فوق الغرور اللي عن الماضي أعماك
حيثك تجاهل صوت محــروم نـاداك
لـينك تنـدم ليـه غـيرت ممشــاك
يلقى بها الفرصة عدوك ويشناك
يصبح عليها الصبح ويموت طريـاك
آمين حتى اللي تمناه يجفـــاك
وأمـك تشـق الجيب من عظم بلـواك
نـار الـفراق ونـار الأحزان تصـلاك
غشـاش خـاين من من الناس دانـاك
أمسـك ويـومـك عنهم الغد يجـزاك
ياللي زعلت إزعل ولاني مراضـيك
لا تحسب أني عقب صدك بداريـك
قبل توريني الحساير بأوريــك
كأنك تحداني فأنا أقبـل تحـديك
ماني بقايل لك عسى الله يهنيـك
عسى العمى ياخاين العهد يعميـك
وعسى الليالي اللي تجيني بطاريك
يصبح عليها الصبح و يموت طرياك
أنا اللي قبل أسافر.. شلت قلبي من شرايينه
تركته في يدك مثل الأمانة .. وأحفظيها زين
ترى حفظ الأمانة ديــــــــن..مجبورة تردينه
أجل مافيه احد قد قال لك .. حفظ الأمانة دين ؟
مردّ المقّفي بيلّفي..ويستوفي وتوفينه
بعد ليلة..ثلاثة.. أربعة..عشرة.. شهر.. شهرين
إذا انتي ماانتي بقدّ الكلام اللي تقولينه
حرام أستامنك حاجة واذا جيت .. اطلبك تنسين
تخونين وتبين أرضى.. وأحد يرضى تخونينه؟
أنا لاجيت اخونك .. مع حبيبة ثانية"ترضين"؟!
من أول ما رجعت من السفر ما شفت لك بينه؟
وأنا اللي كنت احسبك قبل ادوس ارض المطار.. تجين
تكونين انتي اول شخص.. تحتضن عيني عينه
وكنت اتخيلك من زود فرحة رجعتي.. تبكين
وأشوف بدمعتك حكيك.. وأعرفه قبل تحكينه
واجيب احلى من اللي بتحكينه.. وأتركك تحكين
تقولين: الوطن نوّر..وأقول: بنور مضوينه
تقول لي: غديت احلى وأقول: عيونك الحلوين
كلام نام بشفاهك وخفتي لا تصحينه
ذخرتيه لغرام اللي ينام.. ويتركك تصحين
تغانمتي غيابي لين رجّحتي موازينه
تعلّم من يدك لمس الكفوف .. وعلّمك تجفين
وليتك لاقية به شي..فيني ماتلاقينه!
مهوب غرور.. لكن خابرك .. مالك أمل تلقين
تغافلك بغلا.. وإلاّ الحلا مهوب من زينه
تزيّنه الصّور.. بس الصحيح ابن الحلال "زوين"
وانا مانيب ناقصٍ عنه.. يوم أنك تبدّينه
نصيبي هو نصيبي.. لو يسدّدها من الصوبين
قنوع بمظهري.. والسم ما يذبح ثعابينه
على قول المثل "ماني حلو.. لكن ماني شين"!
إذا أهداك الزهر مرّة ..فانا اهديتك بساتينه
وإذا الهاك بفرح ليلة.. فانا تهت لبكاك سنين
وإذا أستضعفتك أملاكه.. وشتّـــتك ملايينه
أنا حتى فتات الخبزة .. أقسمها معك نصين
طموحي بس أجي وأظفر.. بشيٍ تستحقينه
تديّنته ..تسلّفته ..سرقته.. مو مهم ..منين ؟
كأني من كثر ما ارضى ..بكل اللي تمنينه
لو أنك تطلبين الله.. يعنيني بقول: آمين!
أنا ما العب على الحبلين ..وقت الطيش وسنينه
تبين الحين ..يوم أني كبرت ألعب على الحبلين؟!
والله لخلي عزتك تحت ماطاي
تمشي وعينك ماتعدا مواطيك
ابيك درس لكل خاين ونساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عين منهو يراعيك
عطني قلم بأكتب على
القلب ناسيك
حتى اليا منه تذكرك ينساك
خلاص عقب اللي حصل منك
مابيك
ومادمت أنا اهنيه فارقني
أهناك
غلطة حياتي يوم تقفي
واناديك
لكن بترجع يوم واقوووول
منااااااااااااااااااااك
==============
عندي سؤال وخابرن فيه
تجريح !!
لكن ضروري
تسمعه بأنبساطي
أرفعك بيدي للسما
ترجع تطيح ؟
قلي شسوي فيك
لاصرت واطي ؟
بعد الخيانه انتهت رغبتي فيك
وان كنت تذكرنا ترانا نسيناك
يشهد علي الله لاحل طاريك
يروق قلبي لكن أذكر سواياك
لاتنصدم لاقلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
ورميتني يازين باعمق بحورك
يالله توكل لاتجيني ولاجيك
يالله حبيبي قوم رتب امورك
آخر رساله
خلها اليوم تذكار
لاعاد تذكرني
تراني نسيتك
لاتكثر بحكيك ترى دربك اشواك
ياحافي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز اهدمك
الله يرحم حبنا اللي قتلتـــيه
جفت دموعي والبقا في حيــاتك
ياللاسف كل الاسف مابكيتيه
انتي الغرور اعماك مع حب ذاتك
انتي بديتي الحب وانتي نهيتيه
اقري عليه الفاتحه في صـــلاتك
مرة لبستي الحب مره نزعتيه
هذا الهوى لاتحسبينه عبـــاتك
قررت انا هجرك وقررت انســـاك
وسديت باب كنت لك هو بنـــيته
ماني بمثل اول احبك واهـــواك
يا ليت حبي مات من قبل ليتـــه
خلك تحسف موت من حر ماجاك
ياواحسافه حبي اللي عطيته
دار الزمان وشفت فيه
العجايب
شفت الغلا والبين
والزين والشين
شفت القلوب الحاقده
والحبايب
واللي يعيش بوجه
واللي بوجهين
تلقا الجفا والصد طبع
القرايب
وإلا الوصل والطيب
طبع البعيدين
شفتك مع اللي صار عقبي حبيبك
واحتارت الدمعه بعيني وصديت
راسك علامك رافعه يوم أحاكيك
الظاهر أني فوق حجمك عطيتك
لحظة نبي نرجع دقيقه لماضيك
بذكرك في أي حاله لقيتك
كان الضياع ودمعتينك تخاويك
منهار في عز أنهيارك خذيتك
برفع قضيه على الدنيا وما فيها
وأول قضيه أبرفعها على حالي
وأبشعل النار في نفسي وأطفيها
وأكشف خفايا الخفايا.. وأفضح اهبالي
خلاص ماني مكحلها ابعميها
احوسها واقلب الأول على التالي
 [/align]
اخر تعديل كان بواسطة » الهلالي الثقفي في يوم » 01/09/2005 عند الساعة » 04:11 AM | 