السلام عليكم ورحمة الله وبركاته

يا جماعة الخير لا تبالغون ترى للسن احكام وبعدين الرجال كم له ما لمس الكوره ، وترى فريقكم مرعب بالثنيان وبدونه كم بطولة جابها الهلال بدونه وبدون سامي بعد دائما تصورون فريقكم بانه الفريق الي ما يسير الا بالثنيان وتطالبون بوجوده حتى وهو في اضعف مستواه ((قليل من العقلانيه)).

كنا نسخر من جمهور النصر ونمسح فيهم الارض اذا طالبو بوجود ماجد في السنوات الماضية رغم ان مطالبتهم له عاديه كون فريقهم لا يضم الا انصاف اللاعبين ، والحين صارت حلال علينا مع ان فريقنا يغص بالنجوم ونطالب بوجوده رغم انه ما لمس الكوره وحتى في التدريبات الله بالخير .

والصراحه الصراحه ولا يزعل مني محبي يوسف ترى تجديد عقده مجامله له واحتراما لمشجعيه ومحبيه ولا كلاعب اعتقد انه شبه انتهى مثله مثل خالد مسعد واحمد جميل وسعيد العويران وفهد الهريفي رغم انهم يصغرونه سنا .