..... اليوم وش صار لي ؟


رحت لمكتب معتمد لبيع الارتي (( باقة النهب والسلب والعلب )) ومعي كرت ارتي مخلص ,, وماودي أجدد ارتي ,, قلت (( للهندي )) أبي كرت الجزيره قال ماوصل ويمكن أنه ما دخل السعوديه !! قلت طيب يابو السبت يبدون العيال يلعبون معقول مانشوفهم قال انت مشترك ارتي قلت أيه قال الاشتر اك كم فيه قلت مخلص قال جب الكرت وجدد ارتي وأحط لك الجزيره معه بمبلغ 8 ريال في الشهر (( أقل من 100 )) قلت أرتي مابي (( آخر العلطله والميزانيه لك عليه )) قال ماقدر إلا مجدد أرتي قلت طيب ارتي عندي مابي قال لا زم قلت يابن الحلال ,, وأرتفع الصوت وكان فيه واحد عنده يعد فلوسه (( يبي يجدد )) قال يالحبيب لا تخاف الدوري الاسباني الاسبوع مب مشفر والايطالي يبي يشفر بعضه يعني يمديك الاسبوع الجاي تشري الجزيرخ قلت أكيد قال أكيد وطلعت ومشيت على أمل أنه مايشفر الاسبوع الاول ونشوف بعض مباريات الايطالي على كلام أخينا ,,, أنتهى وعلماَ أن هالسالفه كله بالقصيم ... وشكرا وعقبال ماتوزع الجزيره عند البقالات ومحطات البنزين والي يبيعون تمر ولا يكسب صالح كامل