يعطيك الف عافية ابو ناصر

بالنسبة للصحافة فأغسل يدك وانا اخوك ..
الله لايحرمنا من النت خذ اخبار الزعيم وغيره ؟؟؟؟ ماله داعي ابد . وخلهم يرغون كيفما شاءو... وريح بالك .. حرام فيهم وبجرايدهم هالريالين .
من طلعة النت وانا خاصرهم . يرفعون ضغطك ويقهرونك بأرائهم وتحليلاتهم الغريبة .

لكن بقولك ...الصحفيين الهلاليين بهم طبع غير وهو المثالية والحيادية والروح الرياضية ... وهذا شي رائع ماتلقاه عند غيرهم من الصحفيين .
ماتلقى عند غيرهم الا التعصب والحقد والكراهية .. وهذا طبعا له سببه وأولها الغيرة وعدم القدرة على المجاراة بالملعب والإنتصارات والبطولات .
لذلك لاتلوم الصحفيين الهلاليين فهم زي ماقلت يحاولون كسب ود الجميع بمثاليتهم وتواضعهم . وأحترام وطاعة ولاة الأمر .

اما سالفة الهجوم على سامي وما فعل... فوالله انها سالفة غريبة ... كلنا نرى في المباريات الدولية وما يفعلون ... ولايحظرني حالياً الا اللاعب الأسباني راؤؤل وكأنه امامي حالياً وهو يركض فرحاً ويده على فمه بعد تسجيله أحد الأهداف على ملعب الخصم ... فحركة سامي طبيعية جداً لجمهور الخصم وتحدث كثيراً حتى بالمباريات الدولية .. فهو طلب منهم السكوت وماذا في ذلك ؟ .. جمهور يسبك ويسب والديك .. هل تتوقعون انه يذهب ليشكرهم ؟ هذا وهو قائد المنتخب الوطني ويحصل على كل هذا السب والشتم ؟ ...
وكلنا رأينا ماحدث للاعبهم محمد نور بعد سقطته الشهيرة مع المنتخب .. فلقد اعلن اعتزاله عن اللعب نهائياً بسببهم هم... واعلنها صريحة انه تعرض للشتم والقذف منهم ... الظاهر يحسبون سامي زي نورهم !! ليعتزل !!
واكرر القول انها حركة عادية نراها كثيراً .. ولو كان فيها مثقال ذرة من سوء السلوك لما تردد الحكم بطردة .. ولما تردد اتحادنا الموقر بإيقافه .. فهم ينتظرون ويتحينون الفرص والزلات على كل ماهو ازرق ! .


اما رسالتك لجمهور الهلال في هذا المنتدى فوالله انه لشيء نابع من القلب للقلب .
وانا معك ..شيء يدمي القلب ... سواء مايخص سامي او غيره من لاعبي الهلال فاللنقد اصول وهو ابراز عيوب ونقاط ضعف اللاعب ومحاولة اصلاحها وتقديم النصح له وتوجيهه ...
فبالله عليكم ماهو الهدف عند مطالبة بعض الأعضاء بتنسيق احد اللاعبين او طرده من النادي او عدم رؤيته بالفريق ؟ ووصل الأمر الا مطالبة بعض الأعضاء الا طرد أحد الإداريين !! عـــــجــبي .


اخيراً تقبل تحياتي .. ولا تحرمنا من هذا التواصل .