مشاهدة مشاركة بصفحة مستقلة
  #1  
قديم 24/11/2001, 04:20 PM
برستيج برستيج غير متواجد حالياً
زعيــم فعــال
تاريخ التسجيل: 23/10/2001
المكان: المملكه ـ الرياض
مشاركات: 363
Lightbulb اخوكم يبي المســــــــــــــــــــــــاعده

اخواني واخواتي اعضاء المنتدى :

مساكم الله بالخير .


صراحة عندي موضوع محيرني وقالب راسي ( الحمد لله ما احد تضرر من الحادث ) وابي منكم الشور والنصيحه ... وهذا الي صار :

(( ما تقولون يوم من الايام واخوكم جالس في امان الله بالاستراحة وبذاك بيت الشعر اللي يحبه قلبكم وابريق الشاهي يقلب على الجمر ( واحد يدعي ) :p :p طنت معي قلت : ليش ما اعرس .
وجلست حوالي ساعه اقلب الفكره براسي مره يمين ومره يسار ومره يسار ومره يمين وفي الاخير ما حولك احد . علشان كذا فكرت الاستعانة بصديق وقلت ابي اطرح الموضوع على الشله واشوف وش عندهم
المهم تجمعوا الشباب وطرحت الفكره عليهم في البداية ما صدقوا لانهم عارفيني زين ;) لكن يوم شافوا الموضوع ما فيه مزح .
قال الاول ( احمد ) اذا بغيت تعرس لا تاخذ الا سعوديه ، تفهمك وتفهمها وراعين ديره وحياه اجتماعية وحده .
نط الثاني ( عبدالعزيز ) وقال : خل عنك بس اطلع شمال وانت الربحان ، ترى السوريه فيها كل ما تبي وتعيشك عيشه ما يحلم فيها جدك ( الله يقطعك يا جد لينا ) .
اخونا الثالث ( فهد ) ضحك شوي وقال : انا بانصحك بالمصريه وترى بنات مصر من تالي يحبهم قلبك مو مثل اول .
اما ( فيصل ـ ما اعرفه جاي مع فهد ) فيقول : ان اخوه متزوج كويتيه وعايش عيشه ما احد قده و مستاااااااااااااانس .
وجاكم ثقيل الدم ( ابراهيم ) شار علي وقال : ليش ما تاخذ هنديه منها زوجه ومنها خدامه لا وهي الي تدفع المهر بعد وجلس يضحك ( يا شينك بعد ) . ))

المهم بعد بما انتهى كلامهم قالوا وش قررت ؟؟؟ قلت : اعطوني فرصه افكر و اقول لكم وش قراري .

والحين عرفتم الموضوع ، انتـــــم وش تقولـــــــــون ؟؟؟؟؟؟؟؟؟؟؟؟؟

تراني انتظر .........



( معذره يا جماعه على ركاكة الاسلوب )

ورمضان كريم .
اضافة رد مع اقتباس