| ابتلينا ببعض الجماهير في الهلال مبزرة واطفال ومراهقين
وزاد الطين بلة مدرب ناقة فاطر
قلنا بديل قوميز لازم يكون مهاجم أفضل
توقعنا سواريز وإلا ابوميانغ وافطرنا على ايغالو
والله ما فيه مقارنه ولا فيه فكر ولا تخطيط مثل الأوادم
ليتنا خلينا قوميز اجل قسم بالله انه ما يتعوض
الحين اللاعب رجع لنادي غلاطة سراي التركي
يموتون فيه ويحبونه لدرجة الجنون
ولا الومهم
نفس اللي سويناه في ادواردو
لاعب 34 سنة ناضج كرويا وفوق انه لعب موسمين مع النادي الإماراتي شوف مستواه مع الأهلي وربي علامة فارقة واول مرة اشوف الاهلي يلعب مباراة مستوى ونتيجة ومتعه
نظم خط وسط الاهلي وصانع ومهاجم قناص ويتحكم في الرتم على مزاجه
واحنا نقول خلاص منتهي
جيوفنكو وادواردو وقوميز منتهين اجل
واخرتها نصوم ونفطر على لاعب نطاط مثل بيريرا وايغالوا رجيع الشباب وميشيل ما له ولا مركز معروف
اللي يشفع لهم انها الشتوية صعب تحصل اللاعب المناسب
ومقبلين على بطولة عالمية والا ما نرضى بخروج قوميز إلا ببديل أفضل
الحين دفاعك شوارع ومدربك تنكه
وهجوم غير متجانس
مادري وش بيصير غير نقول يارب العالمين وفق هلالنا واطرح البركة بس
يمكن ما يعجب البعض كلامي لكن
هذا اللي اشوفه  | 