اخوي الغالي فتى الدلم كلامك سليم ولا غبار عليه ووجهة نظرك صحيحه وانا معك تماما ...

ولكن ورغم تأييدي الكامل لكلامك فهذا لايعني ان اهمش واتهكم على من يعارضني الرأي واصادر وجهة نظره خصوصا اذا كان قالها بأسلوب (( مهذب لا تجريح فيه )) بل بالعكس اسمع منه واحترم رأيه وان كنت لا اوفقه وهذا هو اسلوب الواثق من نفسه والقادر على الرد لا اسلوب العاجز ...

وحقيقة استغربت وحز في نفسي ما قرأت في بعض الردود .. فأحدهم يقول لاانت ولا موضوعك لهم داعي !!!! ويزيد على ذلك بدعوته للمشرفين بمصادرة الاراء اللي ماتعجب حضرته ولاتتوافق وارائه السديده !! والسبب يعود الى ان هذه الاراء تطرقت للرمز مدير الكره الفذ اللي مايخطي ابد !!!!


اريد ان اسأل سؤال .. اذا كانت مثل هذي المواضيع واصحابها مالهم داعي اذن ماالداعي لوضع هذا المنتدى !!؟ هل وضع للمدح الزائد والمبالغ فيه والمريب لمدير الكره العبقري !!؟ ام هو للمدح على طول الخط و اهم شي انه يكون له علاقه بالهلال علشان مااحد يقول عني مندس وابحث عن مصالح خاصه !!؟ اما المشاكل فالهلال والحمد لله مافيه مشاكل ابد ابد ومافيه امور مهيب منطقيه ابد ومافيه محسوبيات ووسايط ابد ومافيه تصفية حسابات ابد ابد !!!!


الاخر يقول لامكان للفوضويين .. واقول له ان كنت تقصد الكابتن الكبير والمخلص فيصل ابواثنين ففيصل شهد له شخص اقرب مني ومنك للنادي وهو مسؤول الاحتراف في النادي عبدالله الجربوع عندما قال في حق فيصل مايلي :
كلمة حق يجب ان تقال فاللاعب فيصل ابواثنين ملتزم (فنيا ) و( اخلاقيا ) و( سلوكيا ) والنادي يفتخر بوجود امثال ابواثنين ..
واضيف على كلامه ان ابو اثنين لاعب مخلص ويحترق من اجل الهلال وهو من عينة الامبراطور والثنيان والشريده ممن عرفوا بأخلاصهم الشديد وحماسهم المنقطع النظير .. ولكن الخلافات الشخصيه وتصفية الحسابات حرمتنا من هذا النجم الكبير للاسف ...

اما اخر اخوانا فيقول .. (( وحسافه بعد طردتهم ليته مشوتهم بوز )) .. واقول له نعم الاخلاق !! وهل كون هؤلاء اللعيبه مااعجبوا الرمز يجعلك تقول عنهم ما قلت !!؟؟

ثم يقول اخونا العزيز ..(( الكلام اللي انت قاعد تقوله صدقني ياانك مغشوش فيه او انك ..... )) .. او انك مندس ولك اهداف شخصيه ( صرنا مندي الحالمي للاسف ) والا المصيبيح مستحيل يخطي لانه وبكل بساطه منزه ولانه (( كان )) اللاعب المثالي (( سابقا )) !!!!

ختاما احب ان اقول لمن اعجبته افعال المصيبيح وقراراته الارتجاليه المتحجره .. الله يهنيك باللاعب الفذ والموهبه الكبيره تركي القحطاني والمقلب الجديد لوبيسكو .. والله يذكر ابواثنين بالخير ...


المهيب ,,