أفضل خطة بالوقت الحالي و حسب عطاء اللاعبين و الفورمة اللي يلعبون به هي:

المعيوف
الشهراني - جحفلي - الكوري - البريك
الكولمبي ----- محمد كنو
سالم ---------------- العابد
إدواردو
قوميز

أما البدلاء فيكونون حسب سير المباراة..
كل بديل ضروري يكون بمركزه بدون اختراعات..


بالنسبة للمدرب..
أتمنى بس يعطي تعليمات دفاعية و يكثف التمارين عليها..
هجومياً الهلال قادر على التسجيل بسبب قدرات لاعبيه..
دفاعياً الهلال يعاني قدام أي فريق يجزم يهاجمنا..
و يترك اللاعبين اللي بأدوار هجومية يكتفون بأدوارهم الهجومية فقط..
لياقياً راح تستنفزهم.. و تكتيكياً راح تخسر فرصة الارتداد السريع..

الدفاع يحتاجون للهدوء و عدم الاندفاع خلف اي كورة بشكل بدائي..
محاولة قطع الكورة مباشرة من رجل الخصم اللي مرتد عليك خطأ شنيع..
تحضين الخصم و تعطيل الهجمة و تغطية المساحات الدفاعية لين يرجعون المحاور أفضل تكتيك للفرق الهجومية..
لو تاقف قدام المهاجم اللي معه الكورة بدون اندفاع راح يتوهق و يرجع و يلف ويدور و تضيع هجمتهم المرتدة ..

وهذا اللي يفتقده الهلال.. يحاولون يقطعون الكورة ثم مع أي تمريرة أو محاورة انكشف دفاعك..

بالنسبة للمراكز..
ادواردو ضروري يلعب خلف قوميز..
ادواردو هو بمثابة ميسي للهلال..
لاعب عنده كل الحلول.. يسجل يصنع يبني هجمة ..
تحجيم امكانياته بمركز ثاني خسارة لنا..
وشفنا قدام الاتحاد إن ادواردو هو نفسه ماتغير..
مازال خطير و مشاغب داخل الثمانطعش.. و صعب تمسكه..

قوميز تواجده مهم حتى مع انخفاض مستواه..
لاعب يخلي اي دفاع يرجف و تصافق ركبه..
يفتح مساحات لاخوياه بسبب المراقبة اللصيقة له من الخصوم..
غير هذا كله.. لاعب يبي يسجل.. دايم يحاول و يركض..
وجوده مهم.. و ممكن استبداله الشوط الثاني بخربين..