سلطان يابعد راسي..
ماعمري أبثرت المنتدى بلاعب إلا هالاثنين ههههههه
صحيح إن بكل موضوع عنهم أكتب عنهم..
بس والله أكتب من حر ما أوجس..
أحترم جميع الآراء.. و لا أتدخل برأي شخص نهائياً.. بس مرات تنحد تتكلم..
أنا كاريلو و جيوفنكو على قلة فايدتهم مقارنة بأسعارهم.. ماتكلمت بهم لين شفت بعض الجماهير تتكلم عن الاستغناء عن ادواردو ..

عجزت أستوعب ..

كيف أهم لاعب عندك تطالب باستبعاده مع إنه بالأرقام أفضل من الاثنين هذولا.. و هو يلعب بمركز جديد و مهام جديدة..

هنا بدت المشكلة مع الاثنين..

على لعبهم و تضييعهم .. أشوف الناس عادي ساكتة و ماسكة جلد باللاعبين الثانين..

نفس الموضوع تكرر مع جحفلي..

محيطينه من أول ماستلم الريس محمد بن فيصل السمة الماضية..
بدون أي سبب ..
مع إنه قبل يشوتونه للدكة آخذ أفضل مدافع للسنة..
تخيل تاخذ أفضل مدافع .. ثم بداية السنة تمسك الدكة..

لأن الجماهير مايحبونه.. ومسك مكانه البليهي.. وضاع علينا مدافع ممكن يشكل مع البليهي أو المفرج أو الحافظ قلوب دفاع تستغني به عن الأجنبي..

انا مهب مشكلتي مع كاريلو و جيوفنكو..
ماعندي مشكلة يلعبون..

جيوفنكو لاعب كبير و جت فترة قبل يروح للدوري الأمريكي تمنيته يجي.. بل حتى وهو بالدوري الأمريكي تمنيته يجي..

بس الرجل جاء و عمره بالثلاثينات.. مع مدرب يصر إنه يخليه يدافع و يهاجم.. وهو لاعب قصير ماله بالمشاكل بنص الملعب..
لا يضرب راس و لا يقطع كورة و لا هو راعي مجهود و احتكاكات..
شلهوب رقم اثنين ..
طيب خله مهاجم اللي هو مركزه باخر عمره.. خله جناح مركزه بالبدايات..
وش سوى المدرب؟..
لعب بادواردو بمحور.. وبنص الملعب..!
طيب خله احتياط و العب بناصر الدوسري اللي هو افضل من ادواردو بهالمركز.. و خل ادواردو يلعب كورقة رابحة بديل لجيوفنكو.. او خله مداورة بينهم..

المردود ياسلطان هو اللي أبيه..
هل عشرة مليون يورو تقابل مستوى كاريلو و مردوده؟.
هل جيوفنكو بمركزه الحالي يقدر يلعب تسعين دقيقة؟؟..

ولكن انا ماراح أقول شيء إلا نهاية الموسم..
وصدقني لو انفجروا بكون أسعد هلالي على وجه الأرض..
لكن من خلال خبرتي اشوف بيبقون على نفس الحال.. مباريات يغيبون و مباراة يظهرون..

وانا بخلي الحكم النهائي بعد نهاية الموسم..
ولا راح اقول بهم شيء لو ينكبوننا عشر مرات..

موسعن صدري.. و الهلال ماوقف على ادواردو و لا على كاريلو و لا على جيوفنكو..

والمناسبة..
مسيرة ويلهامسون افضل بكثير من كاريلو..
لعب لأندرلخت و لروما الايطالي و مثل المنتخب السويدي باكثر من سبعين مرات دولية..
غير إنه لعب للهلال أربع سنوات كان نفاثة هلالية و أرقامه نارية..