إقتباس الرسالة الأصلية كتبت بواسطة ابوساري بالنسبة لكاريلو و جيوفنكو فماراح أقيمهم هالموسم نهائياً.. يزعلون بعض الربع علينا

،

آبو سآري مدري وش فيه على جوفينكو وكاريو ،
مو راضي يمدحهم أجلّها لنهاية الموسم ،
المهم آنآ آبثرثر عن هاللآعبين

اول شيء جوفينكو ،
نجم كبير لاعب متخرج من مدرسة اليوفي ، دولي سآبق في المنتخب الإيطالي
تدرج في المتتخبات السنيه الإيطاليه ، لعب تحت قيادة مدربين كبار
أبرزهم كونتي و رانييري و اليجري !
الغارديان و ليكيب الفرنسيه ، إللي ما بعدهآ إلا فرانس فوتبول
اختارو جوفينكو ضمن أفضل اللاعبين في تاريخ كرة القدم !
من أفضل اللآعبين اللي شآتو الكوره في العالم كله يآ آبو سآري ض1
صرآحـه ، من الآخر هاللآعب إسمه في اللاسته يكفي ،
وجوده إضافة كبيره لـ الدوري السعودي ولـ نادي الهلال !
تقييم آخر الموسم يآ آبو سآري إسمحلي مع أي لآعب إلآ سيبـآ

كآريو ، مابتكلم واجد لكن نقطتين بأوضحهآ ع السسريع
1
اللاعب أسلوبه واستايله في اللعب من يومه كذآ ، حتى أيام كان في الدوري الإنقليزي
هادي وبارد ومروق وماعنده ف احد ، صح أنه أحيان يفقع القلب ويستاهل الدكه
لكن الحقيقه والواقع أن الأسلوب والإستايل هذا نادر بالملاعب عندنا نشوفه ،
و الفريق يحتاج دايم هالنوعيه من اللآعبين اللي ماتدري متى ينفجر !
الأمثله كثير على هالنوعيه ابرزهم اوزيل والفرج وأحمد الفريدي اللي ضيّع نفسه للأسف ،
ب النهايه تخيل عندي 11 لاعب كلهم سالم الدوسري أو كلهم نفس ادواردو أو الفرج
او 11 لاعب مثل كويلار او عطيف او البريك ، تصير فرفيره ما تصير كورة قدم !
2
بعض الجماهير تقارن مستوى ويلهامسون و ادواردو ب كاريو ، هذا غلط
انا من وجهة نظري المقارنه بالمستوى ظالمه و ناقصه ، ليه ؟
لأنه المفروض ناخذ بعين بالإعتبار ثلاث نقاط رئيسية قبل المقارنه من أساسه ،
1 مسيرة اللآعب قبل الهلال
2 الفتره الزمنيه مع الهلال
3 اللقب الآسيوي
كلها في صالح كاريو ، يتفوق على الإثنين و بكل جداره !
بداية من مسيرته قبل يجي الهلال مع بنفيكا + سبورتينغ + واتفورد
و الفتره الزمنيه برضه في صالح اندريه ، موسم واحد مقابل 5 مواسم لإدواردو و ويلي !
و الآسيويه ، اللي تعتبر اهم بطولة عندي وعند الجماهير الهلاليه كلهآ ،
خذلونا الإثنين ، ويلي و وادواردو مآحققوهآ للأسف !
آمآ كآريو إلى الآن ماندري
المجموعه كامله ومن ضمنها كاريو كانو قدهآ في ربع النهائي
وصلنا لنصف النهائي ، الحمدلله
باقي السد ونلعب ع النهائي ان شاء الله ،
ننتظر ونشوف وإن شاء الله خير !

طبعاً هذآ مآيمنع أن ويلي + إدواردو من ضمن أفضل الاجانب اللي مرو بتاريخ الهلال
على الأقل على المستوى المحلي ، مآفيها جدال


الله يوفق الزعيم الملكـي !