نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - نقاش افضل خطة وتشكيل لهلال بعج المحور الكولمبي

الامع · #16 07/09/2019, 12:40 AM

إقتباس

الرسالة الأصلية كتبت بواسطة ابوساري


	اللعب بمحور واحد و لاعبين وسط هجوميين كارثة .. لو معنا قاتوزو بعزه و لياقته يحرث الملعب رايح جاي ماينفع يلعب لحاله.. اللاعب مهب سوبرمان يقطع كل كورة و يغطي كل إنش بالملعب.. الكولومبي إضافة تريح المحور الثاني أو السناتر اللي بالوسط .. و يعطي صلابة دفاعية أكثر في العمق الدفاعي خاصة بالمناطق القريبة من قوس الثمانطعش.. لكن اللعب به وحيد بالمحور بيسهّل اختراق دفاعك.. لأن تمريرة وحدة ممكن تكسر محورك.. ون تو واحد بكل سهولة يتخلصون منه.. هذا غير إنه بعد عشر دقايق يبي ياكل العشب من التعب .. لو لياقته لياقة سبّاح ماقدر يجاري رتم اللعب لحاله.. الأفضل باللعب بنفس الطريقة مع تغيير بسيط.. تواجد الكولمبي كمحور دفاعي و قدامه كنو و سلمان كسناتر أفضل.. راح يكون الثلاثي مرتاح طول المباراة و كلن عارف دوره.. ادواردو و جيوفنكو مثل ماذكرنا قبل ناخذ الأفضل أساسي و الثاني احتياط.. وأشوف ادواردو أفضل كأساسي.. أقوى بدنيا و أسرع بالارتداد و أقوى تصويب و افضل بالكرات الرأسية و أصغر عمر .. جيوفنكو يقدر يلعب جناح على فكرة .. و لعب فترات كثيرة جناح.. لو بيدي.. المثلث الهجومي يصير ثابت.. خربين و قوميز ادواردو او قوميز جيوفنكو ......... ادواردو خلفهم سلمان ( عطيف أفضل لو جاهز ) ... كنو قوستافو اهم شيء سلمان لا يقرب للمحور.. يكون سنتر بادوار هجومية اكثر

.
كلام سليم وواقعي ويدل على فهمك للكورة، ألاحظ أكثر الجمهور يبي يلعب كويلار لحاله وخمسة وسط كلهم هجوم ودجوفينكو وادواردو وقوميز وخربين وكاريلو يلعبون بنفس الوقت !!!!!
كان بيصير دفاع الهلال شوربة وأنواع الأهداف بكل سهولة، خصوصاً مع الفرق القوية حالياً مثل النصر والأهلي والاتحاد والشباب ودوري أبطال آسيا لازم اللعب بكويلار وجانبه محور متحرك مساند إما الفرج أو كنو أو عطيف والتضحية بأحد اللاعبين اللي قدام،،، إلا ضد الفرق الصغيرة واللي تضمن إنها بتلعب 9 دفاع هنا ممكن تدخل فيها المجازفة واللعب بمحور وحيد بالرغم إنها تبقى مجازفة أيضاً.
.