| إقتباس | | | | |
الرسالة الأصلية كتبت بواسطة دوسري مطنوخ | | | | | | | |
خلك من الإحصائيات لانها مجرد ارقام ولكن ما يهم هو النتيجة اقصد إذا اللاعب يجري طول المباراة ويتحرك كثير ولكن في كل مباراة يحتفظ بالكوره او يتفلسف بالكعب وتقطع الكوره وتعود هجمه مرتده على الفريق وتشكل خطورة وتربك الفريق وكل مره يكرر نفس الخطا
نعود لحكاية الأرقام ما الفائدة من نسبة استحواذ عاليه والفريق مهزوم | | | | | |
تعرف اخوي ان في مباراه الاهلي كان سلمان اكثر لاعب مرر كره بنسبه صحيحه بين الوسط والهجوم ؟
اكثر حتى من سالم ومن جوفينكو ؟
وبعدين الناس اللي تحكم مين افضل لاعب سواء كان الاتحاد الآسيوي او السعودي .. برأيك بيعطونها لشخص يسبب مشاكل على فريقه ؟
تتوقع مدربيين المنتخب والهلال يشوفوا لاعب مسوي مشاكل او على قولتكم ( ما يعرف يلعب ) ويعتمدوا عليه اعتماد كلي + يشيل الكابتينه ؟
اعطيني احصائياتكم من اجل الاعضاء يكونوا على بينه واضحه
اما تقول الاحصائيات مجرد ارقام فهذه مشكله مالها حل
حكايه والله ( يعك ) والله يرجع كوره والله يحضن على كوره فهذه آراء مالها اساس في النقاش لان كل شخص له رأي ولا راح نوصل لنتيجه لانها مجرد كتابات عاطفيه ، تكتب حسب الأهواء.
عندك الاخ كينج٩ الصديق العزيز اتوقع من زماااان ونظرته بأن لاعبي الوسط بالهلال مالهم اي داعي من سالم لسليمان لغيرهم ...
مع انهم هم اساس المنتخب واي فريق مستعد يدفع اكثر من اللي دفعه نادي الهلال ورغم كذا تخلوا عن الاموال الزائده ومرتبات العقود المرتفعه لعيون الهلال..
واخرهم سالم الدوسري رفض عرض النصر وعرض الاهلي واللي كانوا اعلى من عرض نادي الهلال.
لجل كذا لك الحريه تكتب مثل ما تريد محد يقدر يمنعك
بنفس الوقت لي انا وغيري الحريه بالرد بكل منطق وادب واقولكم الظلم ظلمات يوم القيامه ، والكتابه العاطفيه ماتفيد لا تقدم ولا تأخر.
اعطيني احصائيات وارقام وبعدها اي شخص عاقل بيقتنع سواء كان اللاعب مفيد او غير مفيد.
اذا ما عندكم فالنقاش انتهى بأن كل واحد فيكم محتفظ برأيه الخاص .
ورايك هو ملكك لكن ما تقدر تجبر غيرك على رأيك ..
وكل عام والجميع بخير ...