أخوي نيسان ..

اللاعبين اللي ذكرتهم مع شنقهاي من ثلاث سنوات .. و لا سووا شيء ..
الأسماء ما تصنع الألقاب .. هذي أسماء مستواها الفني عالي و لكن مقارب لجميع المحترفين في البطولة الآسيوية ..
فقط اللي يخدم هالأسماء الوهج الإعلامي و الشهرة .. لكن العطاء فيه لاعبين يتفوقون عليهم في آسيا ..

هولك عمره 33 سنة .. مع شنقهاي من 2016 ..
أحمدوف عمره 31 سنة .. مع شنقهاي من 2017
أوسكار عمره 27 سنة .. مع شنقهاي من 2017

لعبوا في ثلاث نسخ آسيوية لحد الآن تقريباً ..

في نسخة 2016 طلع شنقهاي من ربع النهائي ..
في نسخة 2017 طلع شنقهاي من نصف النهائي .. قدام أوراوا
في نسخة 2018 طلع شنقهاي من دور الـ16 ..


في نسخة 2019 الحالية ..
(( دور المجموعات ))
شنقهاي لعب في دور المجموعات 6 مباريات .. فاز في ( مباراتين ) فقط ..
سجل هولك ( هدفين ) فقط ..

(( دور الـ16 ))
تعادل ذهاب و إياب مع جيونبوك الكوري 1-1 في كل المباراتين .. سجلها هولك .. صار عنده 4 أهداف ..
وفاز بركلات الترجيح ..

(( دور الـ8 ))
بيقابل أوراوا .. نفس الفريق اللي طلع منه في عام 2017 .. و نفس الفريق اللي غسلناه ذهاب و إياب وفاز بالحظ بالنهائي ..


لا تشيل هم الأسماء يا صاحبي ..
هالأسماء جابت لهم بطولة الدوري الصيني مرة وحدة فقط .. لو الهلال يشارك بالدوري الصيني كان حققه مثل اليوفي بإيطاليا ..

أنا ماشلت هم أي فريق من شرق القارة .. لأننا أفضل منهم لولا الحظ و التحكيم الفاجر ..
غرب القارة عندهم لاعبين مستواهم كبير .. سواءاً محليين أو أجانب .. عكس الصينيين .. طقم أجانب فاخر يكمّلهم طقم ( صيني ) ..