إقتباس الرسالة الأصلية كتبت بواسطة ثائرالهميجان خله يروح الله لا يرده نفس بيئة الفقر مسوي مقاطع يطقطق فيها على الهلال والآن رجع صاغر والمفروض يخلونه كل المدة المتبقية من العقد يجمع الكور

والله يا عزيزي ثائر أنا أستغرب ردّك هذا !
إنت إنسان فاهم كورة وتعرف معنى الإحتراف المفترض
يكون تفكيرك مطابق لمصلحة النادي ..
دائماً نتكلم عن الإحترافية في التعامل ولنا بالأندية العالمية اللي
تفوقنا إمكانيات وشهرة وبطولات خير مثال ..
( نيمار ) سحب على برشلونة وجمهوره وراح لسان جيرمان .. والآن
هم يفاوضونه ويبون يكسرون الشرط الجزائي في عقده .. ماهو علشان
يجمع كور في الكامب نو .. ! لا هم بيرجعونه علشان يعززون من قدرات فريقهم الهجومية !
ما فكروا بالثأر منه أو إهانته !
ونفس الكلام ينطبق على جريزمان اللي سحب عليهم العام وهالسنة رجعوا يفاوضونه ونجحوا
بالتوقيع معاه !
نفس الكلام ينطبق على بوجبا اللي سحب على اليوفي وراح للمانيو والآن هو قريب جداً
من الرجوع لليوفي !
المفترض يكون تفكيرنا بمصلحة الفريق بعيد عن تصفية الحسابات !
بالنسبة لي أشوف المفرج خامة جيدة ولو كإحتياطي خصوصاً في ظل الشح
في المواهب المحلية .. هل تضمن الموسم الجاي ما يتم تقليص الأجانب من سبعة
إلى أربعة ! صدقني وقتها راح ترجع حليمة لعادتها القديمة وترتفع أسعار اللاعبين
المحليين لأرقام ما يستاهلون ربعها !

آسف ع الإطالة .. مع كل التقدير والإحترام لشخصك الكريم ..

::