ثائر ..
أنت قلت أي مشجع هلالي عند سماع التشكيلة وضع يده على قلبه .. ( أي مشجع هلالي ) ..
هل تشوف بأصحاب القرار مشجع هلالي ؟؟ ..

أنا أقول أي مشجع غير هلالي سمع التشكيلة قال آن لأبي حنيفة أن يمد رجليه ..
وأتوقع بعض المشجعين ماشافوا مباراتهم اليوم ضد الفريق العراقي من تشكيلة زوران بس ..

الجميع بلا استثناء يعرفون مكامن الخلل بالعناصر و بالتكتيك و بالتوظيف الخاطيء للاعبين .. حتى المتابعين من خارج البيت الهلالي بل خارج المملكة ..

ولا تحسب هالعبث مجرد صدفة .. خيسوس طار بليلة ظلمى بسبب إدعاء كاذب .. يعني بتاقف على زوران مايقدرون يطيرونه و يجيبون مدرب من أقرب محل فوال طايف للعريجاء؟ طبعاً بيكون أفضل من زوران بسنين ضوئية ..

كادش لا يخفى على عاقل ضعف إمكانياته .. لكن لا أحمل كادش كداشته .. أحمل الشخص اللي لعبه و هو يعرف إمكانياته ..
هو يستلم مرتب علشان اسمه لاعب .. لو يقول له المدرب ادخل بع شاهي حبق على خط التماس ماراح يرفض ولا عنده صلاحية يرفض أصلاً ..

الشلهوب وتصحيحاً لمعلوماتك ثائر باقي له 22 سنة فقط و ليست 20 سنة هههههه ..
لكن الشلهوب من يومه شباب و هذا طلعه .. امكانياته الجسدية ضعيفة و امكانياته العقلية توزن بلد .. كيف توظف امكانياته مثل ماسوى قيرتس أو خيسوس؟ .. هنا نرجع لزوران ونوجه السؤال له .. الشلهوب لاعب شوط واحد .. ياشوط أول ياشوط ثاني ..
الشلهوب أسطورة و مستواه أسطوري لا شك .. لكن العمر له أحكامه .. ومثله مثل توتي .. لاعب يخدمك بدقائق بسبب خبرته وقراءته للمباراة ..

أتفق معك بنقطة جحفلي وديجينك .. على الرغم من إن ديجينك بكل المركزين ممتاز .. لكن أقل الأضرار تواجده بالدفاع الحالي اللي مافيه إلا جحفلي صاحي ..

إدواردو لو يلعب خلف قوميز مباشرة كمهاجم ثاني كان صار فيه فاعلية أكبر هجومياً .. و جيوفنكو تقدر تلعبه الشوط الثاني حسب الظروف ..
ولو ملزم يبي يحلل دراهمه .. عادي يلعبه خلفهم كرابط بين الوسط و الهجوم و علشان يثبت دفاع و محاور الخصم بملعبهم ..
جيوفنكو يعتبر مهاجم ثاني و امكانياته تظهر بهالمكان أكثر .. لكن مثل ماقلت أنت .. تضارب أدوار مع إدواردو ..

الآسيوية فيه مجال للتعويض .. في حال تخلى المدرب عن قناعاته و إلا طلع به ذمة و حس بتأنيب ضمير على اللي يسويه ..