إقتباس الرسالة الأصلية كتبت بواسطة ابوساري هذي الخطة الجمهنية .. سو كنك تبي تخترق عمق .. بس هوّن .. و عطها دانيلو البريك على اليمين .. ثم البريك بيركض شوي وبيوقف ويسوي حركة مروحة .. يروح يمين ثم يسار .. حرب نفسية ضد الخصم .. ثم يرفع الكورة بأقدام مدافعي الخصم ترجع مرتدة عليك .. كل لاعبينك يركضون ركض للدفاع علشان يقطعون الكورة .. يقطعون الكورة .. يمررون بسرعة لنص الملعب .. يركضون كل اللاعبين للهجوم .. ثم يسوون حرب نفسية للخصم ثانية بالاستحواذ الجهنمي على الكورة .. تمريرات متقنة بين لاعبي الوسط .. كعب .. تمويه .. وين البريك؟ .. وصل الجناح؟ .. مرر له .. يالله يالبريك سو مروحة .. اسحب الخصم .. ارفع برجلين الخصم مرة ثانية .. رفعت؟ .. طيب أرجع اركض اقطع الكورة .. ثم استحوذ بالتمريرات الجهنمية مرة ثانية .. تمريرات بين البريك و لاعبي الوسط .. قدام .. ورى .. قدام .. ورى .. قدام .. ورى .. على الجهة المقابلة الشهراني .. عطها الشهراني اخدع الخصم .. رجعها يالشهراني للبليهي .. البليهي سو حركة بيدك كنك تدري وين هي هابة .. مرر كورة طويلة عالية للاعب طوله 160 .. انقطعت؟ .. اركضو للدفاع .. وهكذا دواليك .. نسبة الاستحواذ للهلال 60% .. نجم المباراة البريك .. لأنه لمس الكورة 340 مرة و رفع 34 مرة بشوط واحد .. النتيجة النهائية .. 2 - 0 للخصم ..

المشكلة أنا ما أدري منو اللي مقنع اللاعبين انه ما يرفع لين يوصل خط المرمى ؟؟؟
أخطر الكرات هي التي تكون مفاجئة وبزاوية أكبر حتى الدفاع ما يقدر يتوقعها
أذكر مدرب الهلال الروماني يوردانيسكو بغى يضرب أحمد الدوخي علشانه يوصل خط المرمى وبعدين يرفع العرضية ... زتايتها صار الدوخي يرفع حسب تواجد المهاجمين ومن وحدة من كراته فزنا بكأس آسيا أيام الزمن الجميل
وين زوران عن تنبيه اللاعبين على هالأمور البسيطة ما نبي تكتيك معقد نبي الأمور السهلة مثل التمركز في الضربات الثابتة وطريقة الرفعات الأوفر