الف مبروك الفوز المستحق

مالاحظته على المباراة بالأمس كثرة الاخطاء في التمرير والتمرير بالذات بكرات قصيرة تتحول للخصم مباشرة

واكثر من لاحظتها فيه كاريلو وسالم وكنو

جحفلي ابو يحيى اتعب وانا اقول فيه انه كفو وين ماتحتاجه ووقت ماتحتاجه تلقاه

بالأمس ياسر الشهراني لعب مباراة ممتازة من زمان ماشفته بهالقوه والشجاعة بالاندفاع وقلة الرجوع للخلف

البريك قل عطاءه بسبب رقم 16 في الأهلي نوح الموسى اللي ماقصر فيه كل شوي تكسير وطلع بكرت اصفر فقط

كاريلو فنان مهاري لكن للأسف اعتبره سالم الدوسري الثاني اناني ويترك اللعب السهل ويروح للصعب وتنقطع الكورة وترتد علينا

سالم وكاريلو مبدعين كفنيات واستعراض ومهارة لكن الاثنين يضيعون مجهود الفريق وان كان كاريلو بنسبة اقل بكثير من سالم

كنو يحتاج يتعلم كيف يفتك الكورة بدون اخطاء مرتكبة خصوصا ان الاهلي كان لديه السومه وكلنا نعرف ان السومه بالكرات الثابته نادرا ما يخطيء

المعيوف ماشاء الله تبارك الله من مباراة لمباراة يثبت انه قد الثقة ولو اني مازلت مصر على انه يفترض يسوى له برنامج غذائي يخفف فيه وزنه بشكل اكبر

الشلهوب << يتعب الكلام في الاسطورة