اذا تلعب ضد فرق تقفّل تحتاج لكثافة عددية داخل الثمانطعش .. والأهم و هذا مايفتقده الهلال (( التمركز السليم )) داخل المنطقة ..

ما ألوم الأظهرة على العرضيات السيئة .. لأن اللي يخليها سيئة هو تمركز الهجوم و الوسط و عدم التفاهم بين اللاعبين و كأنهم مايتدربون مع بعض..

في مباريات حواري و مرات كنا نلعب مع ناس أول مرة نشوفهم .. نقدر نتفاهم مع بعض بثلاث دقايق قبل المباراة ..

مشكلة الهلال مافيه تفاهم بين اللاعبين و لا خطة مسبقة ..

تلقى قوميز يركض ثم يوقف .. ثم يركض .. ثم يوقف .. جاه انفصام بالشخصية مايدري اللاعب بيمرر بينيّة له و إلا بيلعب قصير وإلا بيسوي ون تو وإلا بس بيركض بالكورة مهب مناوله ..

العرضيات نفس الكلام .. يركض البريك أو الشهراني أو كادش ويرفعها لمنطقة مافيه إلا مهاجم وحيد أو يمكن بدون مهاجمين ضد أربعة دفاع .. طبيعي بتتخلص الكورة ..


إذا الفريق بيعتمد على أظهرته و على الأطراف و العرضيات .. لازم يكون فيه منهجية داخل الثمانطعش ..
لازم يكون فيه تمركز من اللاعبين بحيث واحد يكون قبل المدافع و واحد بعده و وواحد مثلاً يسحب على الخارج شوي ..
أما مهاجم ينلفز ورى المدافعين يحتري الكورة تعديهم كلهم و تجيه .. فلا تتوقع أي نتيجة لو يرفعون له خمسين عرضية ..

التدريب مهم .. و تخطيط اللاعبين مع بعضهم ضروري بحيث تزود فرصة تسجيل الهدف ..
يقدر أي مدرب يبني خطة هجومية ثابتة و مع لاعبين بمهارة لاعبيننا راح نسجل بكل مباراة و حنا مرتاحين ..
يعني .. يقدر يقول للاعبي الوسط أي مرة يركض قوميز باتجاه المرمى عطه بينية ولا تفكّر حتى لو أخطيت .. أهم شيء لا تتأخر بالتمرير .. علشان يكون عند المهاجم ثقة بزميله ..
و أكيد مهب كل تمريرة بهدف .. لكن هي نسبة تنحسب .. من كل 10 بينيّات .. أكيد راح تضبط معك ثنتين أو وحدة على الأقل ..
ويقدر يعطي الأظهرة تعليمات إنه حاول تتأخر بالعرضية في حال كانت المنطقة فاضية .. خذ لك سحبتين لين يتمركز المهاجمين ..

ويقدر يقول للمهاجم ولاعبي الوسط يتمركزون داخل المنطقة بطريقة الانتشار .. مهب خمسة بجنب بعض .. علشان تزيد نسبة وصول الكورة للاعب هلالي ..
أبسط شيء هي لاعب على القائم الأول و لاعب على القائم الأخير وواحد يسحب للخلف .. زي أي فريق بالعالم ..