إقتباس الرسالة الأصلية كتبت بواسطة CHARIZMA للأسف من درب الهلال من بعد الاسيويه هو ابن دياز باعتراف وجه السعد دياز من ضمن افضل ظ¥ظ مدرب على مستوى العالم.

بكتب كلام مهم بالنسبه لي و ممكن لك بعد و راح اطول فيه ..
بس اذا ما عندك وقت تقرا .. انزل للخلاصه تحت
و اذا معك وقت .. اقرا من هنا
___________________________

النقطه المهمه اللي محد نوه عليها .. هي

ان الهلال هو النادي الوحيد اللي من الموسم الماضي ما دخل في فتره توقف و اعداد و معسكر ..

على العكس تماما كل الانديه ف الدوري السعودي توقفت .. بعضهم من نصف الموسم الماضي

و بعضهم مع نهايه الموسم ..

و بعضهم الى بعد نهايه الموسم ..

الا الهلال .. لانه بدا الموسم الماضي و دخل في بطوله كاس الملك نهايه الموسم و كمل كإستحقاق ثالث في دوري ابطال اسيا الى نهايتها و دخل في الموسم الحالي بدون توقف .. و فوق هذا كله ما كان فيه تفريغ من هيئه الرياضه للاعبين الهلاليين في المنتخب السعودي و الكل يعرف ان اكثر لاعبين المنتخب السعودي من الهلال

يعني اذا لاعبين الدوري السعودي لعبوا 30 مباراه

ف لاعبين الهلال لعبوا 60 مباراه

و الشي هذا تسبب في ارهاق معظم اللاعبين و انخفاض مستوى
________________________________________

هذا غير اننا كنا نملك في الصناعه
"ميليسي و عطيف و سلمان الفرج"

و نملك في انهاء الفرص
"نواف العابد و عمر خريبين و ادواردو و سالم الدوسري"

مع الموسم الحالي ..

ميليسي كان مصاب و رجع من الاصابه ..
عطيف انخفض مستواه و هذا شي طبيعي ..
سلمان الفرج شنوا عليه بعض الاصوات هجوم مسيئ"

و عمر خريبين .. اصاب
نواف العابد .. اصاب
سالم الدوسري .. خرج من الهلال للاعاره
ادواردو .. اصاب

محمد البريك و ياسر الشهراني .. انخفض مستواهم اللياقي عن الموسم الماضي

الحين خلنا نفكر في دياز ..

تخيل دياز الموسم الماضي كان يصنع في المباراه 10 فرص تقريبا
من "ميليسي و عطيف و سلمان الفرج"

و كان عندنا نواف العابد و سالم الدوسري و خريبين و ادواردو ينهون الفرص .. و كنا نحقق انتصارات ورا بعض

بعد اختفاء الرباعي اللي كان عليهم حمل الانهاء ..

صار الهلال يصنع .. بس مافي انهاء

بمعنى .. استمر دياز بصناعه الفرص من خلال ميليسي و عطيف و سلمان الفرج

بس في الهجوم مين ؟؟ مختار و ريفاس

كيف تبغانا نفوز و مافي احد ينهي الفرص ؟؟
_________________________________________

كنا كل مباراه نعاني من انهاء الفرص فقط .. يعني كانت عندنا مشكله وحده و هي لاعب ينهي الفرص .. كانت حل المشكله في عوده ادواردو و نواف العابد و عمر خريبين

المشكله الاسواء .. حين اقتربت عودتهم تمت اقاله دياز

و رجعنا لنقطه الصفر .. كيف نعيد الثقه باللاعبين و كيف نعمل على الاستقرار الفني و كيف نجيب مدرب يفرض سيطره الهلال على ارض الملعب و يضمن بقاء الهلال في كل البطولات

و الاسوأ من هذا كله .. ان القرار جاء في اسوأ وقت
____________________________________________________

الخلاصه .. لتوضيح كل الكلام اللي فوق

مين الاسرع ؟؟
المرسيدس او التايوتا

طبعا المرسيدس ..

لكن تخيل انت واقف بالمرسيدس و جنبك واحد واقف بالتايوتا ..
و يبغا يدخل معك في سباق ..

لكن سيارتك مافيها بنزين .. و هذاك معه بنزين
ثم انطلقتوا مع بعض و طفت سيارتك بعد كيلو .. و صاحب التايوتا راح 200 كيلو و فاز عليك

و جاء واحد و قال لك التايوتا اسرع من المرسيدس .. و الدليل شوف كيف فاز عليك

هنا لو قلت له المشكله ف البنزين فقط مو في عمل السياره .. بعض الجهلاء ما راح يستوعبون كلامك .. لان استيعابهم للظاهر فقط

ثم قال لك .. لازم نغير السياره

يعني بدال ما يعبي بنزين .. غير السياره كلها

اتمنى الصوره وضحت