إقتباس الرسالة الأصلية كتبت بواسطة هلالي مغترب USA بذمتك قدرات سامي كلاعب تصل لمستوى ياسر القحطلني؟....انا معك ان سامي اذكى من بعض اللاعبين ويدخل نفسه في كل شئ ليتعلم لكن كلاعب ماهو بمستوى ياسر او الثنيان مع احترامي لك وله

نعم أحطها بذمتي إلى يوم يبعثون .. سامي الجابر كلاعب أفضل من ياسر القحطاني ..
تتكلم عن سامي اللي من بداياته كسر الدنيا و حقق هداف الدوري مرتين بوجود عباقرة بالهجوم ينافسونه ..
إلى ثبات بالمستوى إلى سن ال36 يوم اعتزل .. و قبل اعتزاله بسنة واحد فقط ساهم بتأهل المنتخب لكأس العالم 2006
اللي كان وقتها ياسر يلعب معه وهو بعز مستواه ! ..

تتكلم عن سامي اللي ساهم بتسجيل الهلال في أوقات صعبة وفي بطولات حاسمة كالدوري مرتين أمام الشباب و الأهلي .. مهب شعرة ياسر اللي أبثروا جونا فيها و الأساس الهدف من الفريدي و المباراة كانت مباراة الدعيع ..
أو آسيويا قدام أعتى فرق آسيا و في نهائي ..

إذا تتكلم عن المهارات .. فروبينيو البرازيلي أفضل مهارياً من زيدان .. لكن الكورة مهب سيرك و كرة قدم شوارع ..
الكورة ثبات مستوى و عقلية لازم تكون حاضرة و حاسمة .. أما لاعب توهّج في سنتين و غاب سنوات .. !
فمايجوز تقارنه أساساً بسامي ..

بل عبدالله الجمعان و رب المصحف و بكل تجرّد قدم للهلال أضعاف ماقدمه ياسر ..
وإذا ياسر حسم مباراة الإتحاد ( متجاهلاً الفريدي صاحب الهدف الأساسي و الدعيع صاحب المستوى الخرافي ) فالجمعان حسم مباراة الشباب بالهدف الذهبي .. وكان عنصر فعّال و مهاجم صاحب قدرات خارقة ...

ما أبي استنقص من ياسر .. بس ياليت تعطين حسنات ياسر اللي قدمها للهلال ؟
أبيك تعطين وش سوى ياسر مع استثناء السنوات من 2005 إلى 2007 .. وهذي مسيرة ياسر كروياً ..
الآن حنا ب2018 و ياسر من 2007 غايب

لكن أنت هلالي مغترب من بداياتك بالمنتدى و جميع تعليقاتك كلها استنقاص من سامي بحجة إنك هلالي قديم و معاصر من أيام السبعينات الميلادية و هذا ما نب أشكك به ..
وأنا سبق و قلت أي شخص يكره سامي لا يمكن يكون هلالي .. لأن سامي ما أساء للجمهور طوال حياته بالعكس كان فرحة للجماهير الهلالية ..
ممكن أستوعب هلالي يفضل يوسف على سامي و أنا شخصياً أفضل يوسف على سامي .. ممكن ناس تفضل لاعب هلالي على سامي أو سامي على لاعب هلالي آخر ..
لكن شخص يكره سامي بالذات و بجميع الردود يحاول يستنقص منه متى ماسنحت الفرصة و مرات يحاول يدخل سامي بالموضوع فهذا ما أعتبره هلالي صميم .. مع احترامي لك و اعتزازي بتواجدك بالمنتدى إلا إنك شايل على سامي كثير ولا ألقى سبب يخلي مشجع هلالي يشيل على سامي أو على أي لاعب هلالي .. باستثناء الغشيان و الفريدي

وإذا أنت معاصر للأجيال الماضية .. فبتلقى فيه لاعبين كان لهم مجهودات كبيرة في خط الهجوم أكثر من ياسر .. لو حسبناها بالسنين و بالإنجاز الفردي للاعب ..
سعود الحماد أخذ هداف الدوري و سجل مايقارب 40 هدف بأول موسم له.. وهذا وهو لاعب يعتبر عادي ..

اذا تبي تقارن سامي و ياسر .. شف كم عدد اهدافهم ووزنهن بالبطولات و بالنهائيات .. وبعدها كلمني عن ياسر كلاعب أو إمكانيات