أخوي الصماK
أنت فاهم الماضي غلط الله يهداك .. ترا الماضي نقصد به قبل شهرين بس .. مهب الماضي البعيد ..
والناس اللي تدافع عن خربين مهب تدافع عنه لأنه فرد من العائلة أو بينهم وبينه نسب و علاقة ..
خربين كمهاجم صريح أنا أقولك يحتاج لتطوير ..
لكن كخامة و إمكانيات فهو ممتاز و سبق انه أثبت هالشيء بالماضي القريب مهب البعيد
ولعب لمنتخب بلده و قدم مستويات مبهرة بشهادة النقاد و حقق مع الهلال أهداف حاسمة و نتائج كبيرة بوجود إدواردو ..
وحقق جائزة أفضل لاعب بآسيا بناءاً على عطاءاته مع الهلال و منتخب بلاده .. وكونه كان حاسم في كثير من المرات ..
كل هذا و اللاعب أشوفه شخصياً ينفع كمهاجم ثاني .. لأنه اذا تحرر من المراقبة و الضغط يصير خطير جداً ..

ولا تجوز المقارنة بين ياسر اللي عمره بمنتصف الثلاثينات و بين لاعب في بداية مشواره الكروي توه ماقال بسم الله !..

لا تنسى إن خربين لاعب آسيوي .. ولا تنسى إن الأجانب الآن المسموح بهم 7 أجانب .. يعني وجوده مكسب ..

والجميع هنا بما فيهم أنا و أنت ننتقد و نناقش مستويات اللاعبين و حنا مالنا أي علاقة بهم ولا تجمعنا بهم مصلحة و عارفين هالشيء