مازلت أقول إن الهلال يلعب ب20% من قوته فقط .. بغياب ابرز لاعب فيه وهو إدواردو .. ووجود عاهات تعتبر نقص على الفريق
وظروف الإصابات اللي ابعدت لاعبين عن مستوياتهم ..
فيه لاعبين وجودهم في الملعب مكمّل فقط .. وهذولا مامنهم ضرر .. يغطي خانته ولا له ولا عليه ..
لكن فيه لاعبين وجودهم بالملعب ودك تلعب ناقص ولا تشوفهم يمحوقون و يبربسون ..

وإحقاقاً للحق .. دياز مشكلته عناصرية فقط .. قناعاته بالعناصر غريبة .. لكنه على مستوى التكتيك فهو ممتاز ..
في كل مباراة .. من النهائي الآسيوي إلى مباراة الإتفاق .. الفريق يوصل لمرمى الخصم بشكل مكثف .. ويضيع فرص سهلة ..
لو سجل اللاعبين نصها كان قلنا دياز أفضل مدرب بالتاريخ ..
مشكلة لا صار هجومك ريفاس الملّاس ووراه الفرج و عطيف ..

ما مر علي في الهلال محاور بضعف الفرج و عطيف وميليسي.. عك كروي و تعطيل لعب وفلسفة ..
ناهيك عن الليونة في اللعب كأنهم داخلين مباراة سكواش مهب كرة قدم ..
واللي يوجع القلب فيه ناس تحبهم وترفّع بهم و تحسسك إن غياب واحد منهم مصيبة !
الهلال حالياً مايفوز إلا بغياب الفرج وميليسي أو عطيف ..


البريك حطوه جناح يمين .. وخروه عن الدفاع .. لاعب صاروخ هجومياً .. لكنه دفاعياً أكبر مخرج .. جميع الأهداف من عنده ..
على العكس تماماً الشهراني .. اللي بالدفاع وحش ماتقدر تمر من عنده أو تسجل من جهته .. لكنه هجومياً صفر على الشمال ..
لكن أقدر أبلع الشهراني بحكم إنه ظهير أساساً وفيه لاعب جناح يسار يقدر يقوم بالمهام الهجومية .. ويكفي مغطي خانته دفاعياً

أما الحافظ .. !!
بطيء جداً جداً جداً .. ولا ينفع قلب دفاع .. حسنته الوحيدة هدفه أمس و وجود جحفلي جنبه غطى على نكباته ..

الهلال هذا حدّه ياشباب .. عناصره ميتة .. وأجانبه مقالب .. والله مهب علشان مباراة الاتفاق بس .. من قبلها وأنا أقول هالكلام ..
محلياً وحالياً .. الهلال مافيه إلا سالم الدوسري و أسامة هوساوي و جحفلي و الشهراني و البريك و خيبري ( اللي للأسف طاقة مهدرة) ..