مهما كان من هبوط للمستوى .. يبقى دياز مدرب محنك رغم الملاحظات البسيطة عليه و عناده على بعض اللاعبين ..
لكنه لعب موسم كامل بدون خسارة و آسيا لم يخسر إلا مباراة الإياب الآسيوي بعد مستوى مشرّف وضياع فرص بالكوم ..

مع خسارة وحدة قلبتوا عليه و هو متصدر الدوري ..
باقي له مباراتين لو يفوز فيهن صعّب المهمة على اللي يلاحقه ..
وفاز على الفريق المنافس له مستوى و نتيجة و له الفضل بعد الله بخروج الهلال من صدمة الخروج الآسيوي بفوزه على الأهلي و بسيطرة تامة ..

شوية منطق ياعيال ..
خسارة وحدة ماتمحي اللي سواه تكتيكياً بموسم كامل .. حتى لو خسر خمس مباريات يبقى ريكورد عالي ..

ولا تنسى إنه يلعب ناقص .. تقريباً بدون محترفين اجانب يسوون فرق ..
ريفاس و بريتوس مقالب جامدة .. بريتوس مهب لاعب كرة قدم .. وريفاس مختار أفضل منه حالياً ..
ميليسي مصاب و أساساً مهب إضافة .. لاعب جيد يغطي مركزه فقط بدون أي أدوار إضافية .. لا يسدد ولا يسجل و لا يشوت فاولات و مهب مميز بصناعة اللعب .. لاعب يدابتس مع اللي يدابتسون ..
الحبسي احتياط وهذا الشيء اللي أشوفه معاند و مخطيء به ..
إدواردو مصاب ..
ماعندك الا عمر خربين وبالأساس مهب مهاجم صريح .. لاعب يلعب خلف المهاجمين و على الأطراف .. يعني لاعب يحب يصير بالظل و يقتنص الفرص و يزعج الدفاعات ..