نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - نواف بن سعد نواف بن سعد احذر ثم احذر غضب الهلاليين بإهدار فرص الهلال المحققة .. إهدار فرص الهلال المحققة .. اللعب تحت الضغط

الزعيمي ماجد التميمي · #7 18/12/2017, 11:47 AM

إقتباس

الرسالة الأصلية كتبت بواسطة بومريم الخالدى


	اخوى تبى تعرف وش قصدى ما عندى مانع اخوى انتوا ليس جمهور نادى أنتوا جمهور فوز فقط أشهدك بالله اللذى لا اله الا هو لو فاز الهلال على الفيحاء هل هذا بيكون كلامك وبحول الله وقوته سوف يأخذ الهلال الدورى بعدها هل بتكون متمسك برأيك ولا اقصدك انت فقط بل كثير ممن يكتبون بالمنتدى وللأسف هناك كتاب من هم هلاليين يمشون مع الخيل يشغرة فاز الفريق ارفعوه والادارة للسما خسر خسفوا فيه الارض يا حبيبى من حقك تكتب ما تشاء بس بالعقل لو كل الزعماء زعلانين من الادارة هل تظن انه وقت مناسب لتغيير الادارة من مدة تتكلمون عن لاعبين يجب تغييرهم نظاميا لا تستطيع تغير لاعب الا فى مدة معينة من السنة وهى فترتين شلون تطالب بتغيير لاعب وتبيه يلعب من نفس وبنفس الوقت ما تقدر تغبرة الا اذا بدات فترة الانتقالات ولا تظن ان اى لاعب ما بدرى عن الللذى يكتب بالمنتدى حتى الأجانب يا خوى لا تظن انى مب زعلان على النتيجة ومستوى اللاعبين ويشهد الله انى سكرت التلفزيون من بعد الهدف الثانى من القهر اعتذرلك اخوى اذا كان ما كتبته ضايقك بس خذها نصيحة من اخ فى الستين من العمر لا تكتب وانت زعلان لا تكتب شىء ممكن تندم عليه بعد فترة ومرة ثانية أسألك بالله لو فاز الهلال بالمباريت القادمة كلها مستوى ونتيجة وان شاء اللله هذا اللى بيحصل هل راح تكون عند رايك هذا نفسه أنا مع صاحبى دوم وقت الشدايد والا بالرخا كلن يسد مكانى

أولا: حلفتني بالله ولا يحتاج تحلفني بالله : فأمر طبيعي جدًا لو فاز الهلال ماراح اتكلم لسبب بسيط أنه النتائج تعكس مستوى الفريق ومستوى العمل الإداري .. وبعدين مستوى الهلال من بداية الدوري غير مطمئن بس وقتها كنا نقول إن الإدارة مركزة على آسيا .. فلا هم حصلوا آسيا ولا ضبطوا من مستوى الفريق في الدوري!! فلا حصلنا بلح الشام ولا تمر اليمن ... لااااحظ إننا نتكلم عن نادي الهلال وزعيم القارة الآسيوية !! مو تقولي الهلال الأول وفارق نقاط معينة .. انا قاعد اتكلم عن مستوى فريق بطل ما عنده حلول مع أندية للتو صاعدة من الدرجة الأولى؟؟؟ إيش الكلام السخيف هذا؟؟؟؟
ثانياً: بإمكانك أن يكون ردك لي بكلمتين ( لو فاز الهلال ماكان هذا كلامك) وعادي جداً احترمه وأقدره وله حظه من الصحة .. لكن تقول ان موضوعي معول هدم ؟؟؟ فهذا غير صحيح إطلاقًا ..
ثالثًا: انت أشرت بكلامك إني أطالب بتغيير الإدارة؟ وهذا غير صحيح .. غاية ما في الأمر هو المطالبة بالوقفة الجدية والصارمة والعين الحمراء اللي توقف لعيبة الهلال المتخاذلين والمستهترين عند حدهم .. هناك لعيبة بالهلال اضاعوا فرص عديدة سهلة التهديف لغرض البحث عن أهداف (لليوتيوب) يتمنظرون فيها !!!
رابعًا: مستوى الفريق في هذا الدوري مخيف جدًا .. فتخيل 9 مباريات للهلال ينتهي شوطها الأول متعادل؟؟؟ وجميع مبارياته التي فاز بها كانت بفارق هدف عدا مباراتي الأهلي والرائد وكثير من الأهداف الحاسمة كانت في الثواني والدقائق الأخيرة !!!!!!!!!
إذن هنااااااااك مشكلة حقيقية فنية وتكتيكية ونفسية وتأهيلية وعدم انضباطية في لعيبة الهلال؟؟؟؟ كل هذه المؤشرات والعلامات تدل على ذلك ...
خامساً: نحن أشدنا في إدارة الهلال وبرئيسها حينما استحقت الإشادة ، لكن لايعني هذا مشاهدة الأخطاء والتخبطات التي من شأنها التأثير بمستوى أداء الفريق ونسكت ونتفرج على نزيف وضياع النقاط؟؟؟
الهلال أضاع 5 نقاط من أصل 6 نقاط !! هاذي من يتحمل مسئوليتها ؟؟؟؟
يجب على إدارة الهلال وجوبًا عينيًا على رئيسها خصووووصًا ان يتعامل بالعين الحمراااااااااااااااء مع اللعيبة واللي شايف نفسه يركنه بالاحتيااااط لبقية الموسم حتى يعرف قدره زين ..